Chörigen tag, und schol auch ich vorgenanter Hans der Zauhinger des vorgenanten gutz ir gwer sein wo in des not geschiecht. Wer aver daz, daz dem vorgenanten Ortolfen dem Pausst und seinen erben an der gewerschaft oder an dem satz icht ab gieng mit recht, was si des schaden namen den ir ains gesprechen macht pey sein trewn an ayd ungesworen und an alles recht, den selben schaden mit sampt dem hauptgut schullen si haben auf uns und auf all unsrer hab wo wir di haben und in swelhen gericht di gelegen sey auf wasser oder auf lant versucht und unversucht. Und daz daz alles also stat und untzebrochen weleib von mir vorgenanten Hansen und von allen mein erben, daruber ze einem waren urchund gib ich dem vorge¬ nanten Pausst und all sein erben den prief versigelt mit meinem anhangunden insigill, und ze einer pessern sicherhait und zeugnuzz mit des erbirdigen man Scybotz des Sintzendorfer anhangundem insigl im an schaden. Der prief ist gewen do man zalt von Christes gepurt dreuzehen hundert jar darnach in dem fümf und sechtzgistem jar an aller heyling abent. Orig., Perg., Siegel etwas beschädigt; im Stiftsarchiv zu Lambach. OCXLIX. 1365. 1. November. — Propst und Convent von St. Florian versprechen den von Chuurat dem Flander gestifteten Gottesdienst in der Capelle zu Wesen¬ dorf verrichten zu lassen. Wier Weygand von Gots genaden brobst dacz sand Florian, ich Nicla techent und der gancz convent doselbs wir vergehen, ... daz wir angeschen haben di andacht und di begir di der erber man Chunrat der Flander von Wesendorf und sein hausfrow vrow Sweiymut habent ze unserm herren durch hails willen irr sel. und haben uns verpunden mit unsern trewn ze sprechen ain ewigew mezz an ainem tag in der wochen an dem ertag von unsrer chirchen von sand Michel dacz Wesendorf in unserr chappellen, wer aber dàz der pharrer von sand Michel di mezz an dem selben tag vor chafter nôt nicht môcht gesprechen, so sol er di selben mezz erstatten in der selben wochen. Geschach des nicht, so sol der pharrer von sand Michel dem zechmaister von sand Michel raichen zwelif phenning. und derselben phenning sol der zechmaister sechs geben ze dem liecht in di. obgenanten chappellen dacz Wesendorf und di sechs
RkJQdWJsaXNoZXIy MjQ4MjI2