247 ain drittail aus zwain jeuchen des weingarten gelegen in dem churtzen Taillant daz Chunrat der Chamere sêliger hat geschafft und geben zu sand Johanns-chirichen ze Gersten, haben ze leib¬ geding hinlazzen der zwain leiben Hermannen dem Gusen und Elispeten seiner hausfrawn zu ier paider tägen in solher maynung, daz si zu der selben chirichen davon jerleich alle di weil und si lebent schullen geben und unserm hofmaister antwurtten aus dem grant pei unsrer prezz in dem hof ze Chrems den dritten emer mozst an gever alz er in dem selben drittail wêgchst, und zwelif wienner phenning ze purchrecht an sand Michels tag alz purchrechts recht ist in dem lande ze Oesterreich. Si schullen auch daz selb drittail pawn zu aller arbaitt der ez bedarf wi so di genant ist so si pezst mügen und mit willen nichtz vertziehen. Taeten si des nicht und mocht man daz selbe beweisen mit zwain erbern umbsêtzen daselbs den ez chunt und gewizzen wêr, so habent si all ier recht daran verloren. Wir offen auch, wann di vorgenanten zwen leib paid abgent mit dem tod und nicht mer sind, so ist daz obgenant drittail wider ein vreys und lediges aygen zu der obgenanten sand Johanns¬ chirichen alz si vor gewesen ist, daz all ier erben di si hinder in lazzent dhainerlay ansprach darauf nicht mer schüllen noch mügen gehaben in dhainen wegen. Daz di handlung also beleib stæt und unverchert, des geben wir zu ainem urchund der worhait den prief mit unserm anhangunden insigel versigelt. Der prief ist geben nach Christes gepürd uber dreutzchenhundert jar und in dem fümf und sechtzkistem jar an des heiligen chreutz tag in dem heribst. Orig., Perg., schadhaft. im chemaligen Archiv von Garsten. Siegel abgefallen. CCXLVI. 1365. 19. October. Wien. — Herzog Albracht von Oesterreich urkundet über die Pfaudschaft, welche llerzog Rudolf auf den Gûtern des Goteshauses zu Freising gegeben hat, und verspricht selbe laut der gegebenen Bürgschaft bis Lichtmess 1366 ledig und los wieder auszuliefern. Wir Albrecht von Gottes genaden hertzog zw Osterreich ze Steir ze Kernden und ze Krain graf zw Tirol etc. bechennen für unsselber und fûr unsern lieben bruedern hertzog Leupolten, als sich der edl unser lieber ohaim graf Hainrich von Schawnberg und unser lichn getrewen Eberhartt ron Wallse unser hawpman ob der
RkJQdWJsaXNoZXIy MjQ4MjI2