231 an sand Jorgen tag acht tag vor oder acht tag hinnach. Waer aber das sew den satz nicht lenger haben wolten und irs geltz nicht lenger geraten mochten noch wolten, das sullen sew uns wizzen lazzen vor dem tag und man losen schol. Lozzen wir dann nicht so mugen sew und sullen auch ires geltz von dem obgenanten unserm gut irem phant pechomen mit versetzen mit verchauffen so sew nachst mugen an alle unser irrung und widerrede. Daz di rede furbaz staet und unverchert beleibe daruber gib ich Hainreich der Schonnawer appt Niclasen und seinem connvent ze Gersten den brief zu einem waren urchund der warhait versigilten mit meinem anhangundem insigel, und zu einer guten getzêwgnusse mit meiner lieben aydem Hannsen des Schiffer und Nichlasen dez Juden anhangundem insigeln die der sache mit iren anhangunden insigeln getzewgen sint in an schaden. Geben nach Christi gepurtt drewtzechen hundert jar darnach in dem fumf und sechtzigisten jare des montags nach sand Pangrêtzen tag. Orig.. Perg., im chemaligen Archive von Garsten mit drei hängenden Siegeln von gelbem Wachs. COXXVII. 1365. 22. Mai. — Stiftung eines ewigen Lichtes bei der Grabstätte der Herren von Schaunberg zu Wilhering durch die Grafen Utrich und Heinrich. Wir Ulrich und Heinrich grafen ze Schawnberch mit sampt unsern erben verjehen, daz wir geben und geschaft haben dem gotzhaus ze Wilhering ze unser grebnuzz daselbs für dez heiligen chrewtz altar da unser vordern ligent und bestatt sind in dem munster, umb ein ewigs liecht ain phunt geltz alter wienner phenning auf der Chamerhub ze Schonhering da Werntzel zdiser vrist auf gesezzen ist, und daz vorgenant phunt phenning schol man in jærlichen raichen und dienen in daz gusterambt an sand Polten tag acht tag vor oder acht hinnach. Man sol uns auch dez ubrigen geltz daz-wir auf der selben Chamerhub haben nicht richten, ez werden danne di vorgenanten geistlichen herren ze Withering irs phunt phenning e gericht ze dem liecht. Geschæch dez nicht daz daz vorgenant phunt phenning gan Wilhering ze den tægen alz vor geschriben ist gedienet wurd, so mugen si auf der vorgenanten Chamerhub phenten umb schaden und umb haubtgüt mit unserm gütlichen willen. Daz in daz
RkJQdWJsaXNoZXIy MjQ4MjI2