227 bedacht daz wir unser brüder erben und nachkommen dhainen schaden davon nicht haben noch gewinnen mugen, und geben in und dem egenanten irem goczhaus dacz sand Florian dieselben vest ze Spil¬ berch mit dem das von alter darczu gehort, auzgenomen der gult auf der mautt ze Stain ze einer ewigen purggrafschaft, die si mit irem aygen güt geledigt habent von Erharten von Spilberch mit sechs hundert phunden beraiten wienner phenning, da von uns und unserm lande ledichlich gevallen sind die egenanten fumfczig phunt die von unsrer mawtt ze Stain zu derselben vest vormals jerlich gevallen sint also, daz si dieselben vest mit aller zugehörunge sullen fürbas in nùcz und in gewer innhaben und nûczen und ouch niezzen mit allen eren und rechten als vor geschriben stet mit gütern, mit gemerkten mit gericht und mit alle den und von alter darczu gehört, mit der bescheidenhait, wem si di vest ye emphelhent daz der mit namen ein gesezzner Osterreicher sein sol und derselbig sweren sol vor unserm houptman ob der Ens wer der wirt ze den zeiten, daz er uns unsern brüdern und nachkomen gewertig sey dieselben vesten offen ze haben uns und die unsern darin und darauz ze lazzen und ouch darinn ze enthalten alz offt uns des not geschicht wider aller mênichlich nieman auzgenomen. Ze gleicher weise sol ouch ein iglicher probst ze sand Florian ee daz man im das goczhaus inantwurte ouch sweren, und des zu einem urchund sol ein igleicher probst alle jar an sand Jorgen tag dem eltisten herczogen von Osterreich dienen einen guldeinen rinch für fumf guldein von der egenanten vest. Wir tün ouch dem egenanten probst und seinem goczhaus ewichlich die guad, was si von irem kloster zu der egenanten vest oder von der vest zu irem kloster oder von andern iren gûtern zu der vest furent, das sol frey und ledig sein in aller der mazz alz die brief sagent die si von unsern vordern und von uns habent über die freyung der gûter die si in ir kloster furent, auzgenomen daz man chain offen leythaus oder gast¬ geben von derselben gûtern bei der egenanten vest haben sol, sunder alain was ir aigen hab ist das si in irem kloster oder ir purggraf auf der egenanten vest verczeren sol. Und dicz haben wir getan zu einer ewigen und unwiderrufflichen gab durch des geltes willen das si uns lédig gelazzen habent und das si uns ouch zu unsrer grozzen notdurft beraits geben habent, und ouch durch Got und unsrer brüder und erben selen hail willen. Davon gebieten wir gar erustlich bei unsern hulden unsern getrewn lieben allen lantherren rittern und kuechten
RkJQdWJsaXNoZXIy MjQ4MjI2