2220 bésondern schirm und gemach ze schaffen die zu Gotes dinst geordent sind und in geistlicher zucht und erbercheit des lebens ir zeit ver¬ treibent, durch daz si mit ganzer andacht und betrübtem herczen Got geloben und dienstlich geeren mûgen. Nu tun wir ze wizzen, daz ze der zeit da wir gen Payrn ze chriegen hetten da wir chomen in die stat ze Ens da wir uns lang zeit aufhielten und warten musten der sammung des gesindes von unsern landen davon all lewt ob der Ens grozlich wûrden beswert, da chomen fûr uns unser getrewn andechtig probst Weygant und die gemain des convents von sand Flórian und weisten uns mit rechter chuntschaft, wie ir goczhaus offt vormals von solhem chrieg wèr ze grozzer aremût chômen und ouch zu derselben zeit grozze beswêrnuss enphiengen davon, daz si dhain behaltnüzz nindert möchten gehaben weder in irem kloster noch anderswo da si sicher irs leibs und irs gûts noch weil noch zeit möchten beleiben, und zaigten uns ouch brief die sagten, daz die stat ze Ens von alter ir aigen wêr gewesen, und baten uns durch Got daz wir ansehen iren gebresten und si bedêchten mit ainer warnung von sundern gnaden da si ir chelich und pücher und ouch ir speis sicherlichen möchten behalten, und legten uns fur umb unser vesten ze Spilberch in der Tûnaw gen der egenanten stat ze Ens uber gelegen, die von unsern vordern versaczt was umb sechs hundert phuut wienner phenning mit fumsczig phunden wienner phenning gelts die man jêrlich von unsrer mault ze Stain dahin raichen und geben müst wand dieselb vest ze Spilberch so vil aigens geltes nicht enhat davon ein purggraf daselbes môcht geleben, und begerten des von uns daz wir irem goczhaws dieselben vest zu einer ewigen purg¬ grafschaft gêben und verschriben, darumb wolden si ouch dieselben veste losen und wolten uns ledig lazzen der fumfczig phunt wienner phenning die man jerlich von unsrer egenanten mautt dahin must raichen, und wolten in ouch daselbs pawen kelrr und chèsten und ander gemêch der si durfftig weren, und wolden uns ouch unsern brudern erben und nachkomen mit derselben veste wartund sein, als die andern getan habent die si vormals in saczes weise von uns oder unsern vordern inngehabt habent. Nu haben wir angeschen Got und ouch den willigen dienst den uns dasselb goczhaus und ouch allen unsern vordern ze aller zeit getan hat und noch téglich tût, und die recht die si gehabt habent an der stat ze Ens darumb si uns ir briel auf unser guad aufgeben habent und ingeantwurtt, und haben ouch
RkJQdWJsaXNoZXIy MjQ4MjI2