224 höf ze Holczlcytten und was darzu gehört süllen fürwas vreilich haben und allen unsern frumen da mit schaffen also, daz her Stephan von Hohenberch noch sein erben daran dhain recht haben süllen vil noch wenikch. Do engegen so habent sew gesprochen, daz her Stephan von Hohenberch und sein erben das vorgenant perchrecht ze Sighartzkirchen das lehen und di zwo hofstet ze Holczleyten und was darzu gehöret sullen furwas vreylich haben und allen iern frumen damit schaffen, also daz ich Hainreich der Prewhafen vraw Kathrei mein hausfraw und unser erben daran dhain recht haben sullen weder vil noch wenikch. Daz der spruch also stet und untzebrochen beleib, darumb so gib ich Hainreich der Prewhafen für mich und fur mein hausfrawn und für unser erben den brief versiglt mit meinem insigel und mit des obgenanten unsers spruchmans insigel hern Nyclas des Schekchen. Geben ze sand Pölten nach Christes gepürde drewtzehen hundert jar darnach in dem fümf und sechtzgistem jare des nachsten suntags vor sant Gorgen tag. Orig., Perg., im chemaligen Schlossarchiv zu Gschwendt. Ein Siegel hängt, das andere abgerissen. CCXXII. 1365. 24. April. — Ctrich der Trautmann zu Rechberg erhält von dem Abbt Johann zu Lambach ein Joch Weingarten im Ernreichsthal gegen einen jährlichen Dienst, der in den Lambacher-Hof zu Krems zu entrichten ist. Ich Ulreich der Trautman von Rechperch und ich Katrey sein hausvrow und alle unser erben verjechen, daz uns die würdigen geystleichen herrn abpt Johans die zeit ze Lambach und der convent doselbs mit verainden rat und mit wolbedachtem mut zu den zeiten do sew ez wol getun machten recht und redleich gebent habent irs gotzhaus weingarten ledigleichen mit allen nutzen, der gelegen ist ze Erurcichstal des ain jeuch ist mitt solher beschaidenhaid, daz wir alle jar dovon gebent sullen dem erbern wirdigen herrn abpt Johansen von Lambach und dem convent doselb in iren hof datz Chrems acht wienner pfennig ze purchrecht an sand Michels tag, und sullen in und iren gotzhaus fürbaz alle jar dovon geben und dienen jarleichen sechs schilling wienner pfennig ze dinst in iren hof ze Chrems an sant Merten tag, in allem dem rechten und nutzen alz man andern dienst dient in dem lant ze Osterrich. Tat wir das nicht so vervelt sich
RkJQdWJsaXNoZXIy MjQ4MjI2