213 erben und alle ir nachkomen die egenanten zehen phunt geltes furbaz innehaben sullen mit allen den nuczen rechten ern und wirden die darzu dhaines weges gehorent als ich die selber han innegehabt, und ouch allen iren frumen damit schaffen als in das allerpeste fuegt oder gevellet ze gleicher weis als mit andern iren aygen gutern an irrung als ouch der brief sagt den ich dem egenanten meinem herren von Osterreich darumb gegeben han. Darwider hat er mir und meinen erben gegeben seins rechten aygens das dorf gelegen under Clamm genant der Markcht mit drin phunden und fumsczig phenningen wienner munzze geltes in demselben dorffe und das vischwazzer auf der Sechsen von der newen mul uncz in die Tunaw, die er mir und meinen sunen und ob ich an sune abgienge meinen tochtern ze rechten lehen verlihen hat von im seinen brudern irn erben und nachkomen furbas in lehens weis mit allen den nuczen rechten ern und wirden die darzu dhains weges gehorent innczehaben und ze niczzen als lehens und landes recht ist, und ouch unsern frumen damit schaffen sulln und mugen wie uns das allerpest wol chom und fuge als mit andern unsern verlehenten gutern. Und ist auch der egenant unser herre von Osterreich des vorgenanten dorffes und des vischwazzers unser rechter gewer und scherm fur gewalt fur unrecht und fur alle ansprach. Und daruber ze einem warn sichtigen urchunde und ze einer ewigen vestnung der sache gib ich fur mich und fur alle mein erben in disen brief versigilten mit meinem insigil und mit hern Wolfgangs insigil von Winden und mit Ulreichs insigil von Liech¬ tenekke. Der brief ist geben ze Wienne nach Christes gepurde dreu¬ czehen hundert jar darnach in dem fumf und sechtzigistem jare an freytages in den quatempern in der vasten. Original im k. k. geheimen Hausarchiv. CCX. 1365. 7. März. Wien. — Jans der Pernstorfer übergibt dem Grafen Ulrich von Schaunberg sein Eigenthum, die halbe Veste zu Pernestorf etc. und nimmt selbe wieder von ihm zu Lehen, dagegen gibt ihm der Graf das Sparslehen ete daselbst als freies Eigen. ICH Jans der Pernestorffer vergich, daz ich ze ainem wider¬ wechsel gegeben han dem edeln herren graf Utreichen von Schown berg und seinen erben meins rechten aigens die aigenschaft meins
RkJQdWJsaXNoZXIy MjQ4MjI2