212 weingarten diw vor genand sinde den dritten emmer dienen söllen, den wir in antbürten sullen in der presse ze Gerestorf, und sullen auch wir diw weingarten nicht lesen an des hofmaisters poten. Teten wir des nicht oder daz wir den vorgenanden dienst ze den zeiten und also ez genant ist nicht engeben, so hat sich allez daz recht vorvallen daz wir an den selbén weingarten haben an allen chrieg mit solicher weisung, welicher under uns daz sein nicht dient oder die punt als vorgeschriben stet uberfuer, derselbe ist von allen seinen rechten gevallen und diw andern nicht, also in unsern priefen stet diw wir von hof haben. Ez soll auch in allen den weingarten diw obgenand sind diw leyp diw zu ainem weingarten gehorend daz recht sein daz ez von ainem leyp sol geraichen hintz dem andern, und wann wir abgen mit dem tod diw zu ainem verleithem weingarten gehörend und vorgenand sind, so ist derselb weingart des oftgenanden gotzhaus lediger weingart in welicher zeit jars der lesst leyp abget an alle zuespruche wie man den weingarten vindet. Daz diw red stet gantz und unzebrochen beleibe, daruber geben wir den offenn brief dem egenandem gotzhaus vorsigelten mit des wol ersamen des Otten des Gerestorffer und des wol beschaidenn des Ruepprechts des Geres¬ torffer anhangunden insigeln. Daz geschehen ist da von Christs purt ergangen waren tausent jar drew hundert jar darnach in dem fumf und sechtzigisten jar in der ersten vastwochen. Orig., Perg., Siegel verloren; im Stiftsarchiv zu Lambach. CCIX. 1365. 7. März. Wien. — Wechselbrief, vermög dessen Kraft der Hauser von Herzog von Oesterreich das Dorf genannt der Markt unter Klamm mit der Fischwaide auf der Sawen vertauscht. Ich Chraft der Hauser vergich, daz ich mit meinem genedigen herren dem hochgeboren fursten herczog Rudolffen erczherczog ze Osterreich ze Steyr ze Kernden und ze Chrayn graf ze Tyrol mit wolbedachtem mut ze paiderseitt eines wechsels hernach geschriben uberain chomen bin also, daz ich demselben meinem herren von Österreich gegeben han zehen phunt wienner phenning geltes gelegen ze Schirneinstorf die mein lehen von im gewesen sint so beschaiden¬ lich, daz der vorgenant mein herre von Osterreich sein brueder ir
RkJQdWJsaXNoZXIy MjQ4MjI2