203 hochgebornen brudern unsern genedigen herrn Albrechten und Leupolden hertzogen der egenanten lande und allen ihren erben und nachkommen geholffen sein sollen und wöllen fürderlich unnd endtlich mit aller unser macht zu allen ihren ehren würden rechten und frummen wider aller menigklichen niemandt aussgenommen, wann in dess noth geschihet und wir darumb von ihn gevordert und gemant werden ohn alles verziehen, unnd dass wir ihnen auch alle unser vesten offen haben sullen zu allen ihrer und ihrer lande kriegen und nöthen ohn geverde. Doch haben wir in diser bündtnuss wissentlich vorbehabt und aussgenommen unsern heiligen vattern dem pabst in allen geist¬ lichen sachen als das billich ist. Woferr aber jemand der uns angehört wider die vorigen unsern herren hertzoge Rudolfen sein bruder ihr erben oder ihr nachkommen oder wider die ihren icht theten, darumb sullen si uns zu red setzen und sollen wir dann von den unsern minne und recht thun nach gelegenheit der sache ohn geverde. Wolt aber der unser dess wider seyn und minne und rechtens vor unser nicht gehorsam seyn, so sollen wir unsern vorgenannten herren, ihren erben und nachkommen auff denselben geholffen seyn als lang untz er darumb gebessert wirdt, unnd binden auch vestiglich zu dem vor¬ genannten gelübden und dingen alle unser nachkommen ewigkliche; darüber durch ein veste sicherheit unnd ewig beleibnus der obge¬ schriben pflichtunge bindtnussen und ainung haben wir der vorge¬ nannt bischoff Albrecht, wir der thumprobst der dechant unnd gemeinklich die chorherrn dess capitels zu Passaw fûr uns und unser nachkommen in unser ewig unwiderruflich geschworen statut gesetzt und genommen und setzen und nemmen auch mit dem briefe recht und redlich alles das an disem brief geschriben stehet so bescheidenlich, das wir die chegenannten bischoff thumprobst dechant unnd die chorherrn gemeinigklich unnd jedlicher besunder unser vorgenant und dises gegenwertig statut jetz und wissentlich geschworen haben und die auch alle unsere nachkommen jegklicher in seinen namen und wesen ewigklich schweren sollen zu halten trewlich und gentzlich ohn geverde, und sullen wir auch fürbas keinen der chorherr zu Passaw wirdt zu unser handlung oder sachen unsers capitels unnd zu seiner stimme in demselben unserm capitel noch zu unserer pfrûndt zu Passaw nit nemen, nur er schwer zu dem ersten die fürgenannt statut zu halten in aller der mass als hievor geschriben ist. Wenn auch geschehe dass das bisthumb zu Passaw ledig wurde
RkJQdWJsaXNoZXIy MjQ4MjI2