200 CXCVII. . 1364. 11. December. — Leupolt von Weissenberg verkauft dem Rüger von Starhemberg 10 Pfund Pfenning Gülten im Lande ob der Ens. ICH Lewpolt von Weizzenberch und alle mein erben vergehen, daz wir unserm frewnt Rügern von Starichenberch und seinen erben ze chauffen geben haben zehen phunt wienner phenning geltes auf manschaft die wir haben gelegen in dem lande Osterreich ob der Ens, in welichem gericht die gelegen sein die purger oder pawrn von uns ze lehen habent, ez sey auf zehenten oder auf andern gutern wie die genant sind, und auf alle die und darzû gehôrent ze velde und ze dorf es sey gestift oder ungestift versuecht oder unversuecht daraus si die wal nemen sullen wo in daz allerpest fûgt und gevellet an allen ierresal so verre, daz si zehen phunt wienner phenning geltes gantz und gar darauf verricht und gewert sein, und sullen auch wir in den selben chauf richtig machen und bestæten mit aller bestæt¬ nuzze die daruber gehôret nach des landes recht ze Osterreich ob der Ens zwischen hinne und sand Michels tag der nu schierist chumpt. Tun wir des nicht, swenne si uns denne manent und vaderent so sullen wir in denne einen erbern chnecht mit einem phært des næchsten tages darnach hintz Wienn in ein erber gasthaws senden da uns der vorgenant her Rûger von Starichenberch oder sein erben hin zaigent, und sol der da inne liegen und laysten, als inne likens und laystens recht ist. und da nimmer auschômen in werde ee der vorgenant chauf richtig gemacht und bestæt und alles daz gæntzleichen volfürt, als vor an dem brief geschriben stet. Daz luben wir in alles an alle widerrede ze laisten mit unsern trewn. Und daruber so geben wir in den brief zû einem warn richtigen urchunde diser sache versigilten mit mein vorgenanten Lewpoltz insigil von Weizzenberch und mit unser frewnt insigiln hern Weicharts des Toppler und Ulreichs des Liechtenckker, die diser sache gezeugen sind mit iern insigiln. Der brief ist geben ze Wienne nach Christes gepurde dreutzehen hundert jar darnach in dem vyer und sechtzigisten jar des næchsten mittichens vor sand Lutzein tage. Orig., Perg., mit drei hängenden Siegeln von gelbem Wachse im Schloss¬ archiv zu Riedek. jetzt in Eferding. Der Lichtenecker hat drei Ringe im Schilde und einen auf dem Helm; der von Weissenberg einen Querbalken durch die Mitte und in der oberen rechten Ecke einen Wecken.
RkJQdWJsaXNoZXIy MjQ4MjI2