197 verjchen ouch. daz wir hincz dem vorgenanten Hansen Mürlein lantrichter ob der Ens und hincz sein erben umb den spruch den er zwischen uns und unserm vorgenanten hern Eberharten von Waltse von dez chauffes wegen der obgeschriben güeter (getan hat?) dhain ansprach fürbaz nimmer mer haben noch gewinnen schullen. Darüber zu einem urchund der warhait so geben wir vorgenant ich Hanns Phylipp und Wolfkanch di Premzzer in den brief versigelten mit unsern anhangunden insigeln, der geben ist nach Christes gepurd über dreuzehen hundert jar und darnach in dem vier und sechtzkistem jar dez freitags vor sand Merteins tag. Orig., Perg., im Schlossarchiv zu Eferding; die Siegel in braunem Wachs. CXCIII. 1364. 11. November. Wien. — Propst Heinrich und der Convent zu Schlägel geloben dem Herzog Rudolf einen Jahrtag für die ertheilte Mauthfreiheit zu Linz. Wir prüder Hainraich probst und der convent gemainlich ze dem Slegel bechennen und tün kunt offenlich mit disem briefe, daz wir innerchlichen betracht haben die grozzen gûttête die uns der durchleuchtig fürst unser lieber genédiger herre herczog Rüdolff ze Osterreich ze Steyr ze Kernden und ze Chrain graf ze Tyrol getan hat manichvaltichlich und sunderlich die genad die er uns nu besun¬ derlich hat getan daz wir ains in dem jar swenne ez uns fûget an der mautt ze Lynez und an ander mautten auf dem wazzer verfuren mugen ain phunt weits salczes und vier phunt chlains salczes an mautt und an irrung. als der brief sagt den er uns von seiner fürst¬ lichen gnaden darumb geben hat. Und haben im für uns und für unser nachkomen verhaizzen und gelobt. verhaizzen und geloben ouch pey unser gehorsam, daz wir jerlich die weil er lebt an aller heiligen abent begen sullen und wellen ein ampt und messe umb hail der lebentigen und nach seinem tode auf den tag seiner hinvart ainen ewigen jartag mit selmesse mit vigili und mit andern gättêten und schonhait die darzü gehörent und als wir die unsern stiftern jerlich begen. Und des ze urkund geben wir disen brief versigelten mit unsern insigeln der geben ist ze Wienne an snad Merteins tag nach
RkJQdWJsaXNoZXIy MjQ4MjI2