193 den erbern geistleichen dem brobst daselbs unserm lieben kaplan und seinen chorherren unsern getrewen andechtigen die genad getan und tun auch, daz si und ir kloster schullen zway gantze jar nach ein ander von disem heutigen tag als der brief geben ist frey und ledig sein var aller gastung. Davon gepieten wir unsern lieben getrewn allen hauptlouten lantherren rittern und chnechten und allen andern den diser brief gezaigt wierdet und wellen gar ernstleich, daz si daz obgenant gotshaus daruber nicht besweren und ez pey der egenanten freyung beleiben lazzen an alle irrung. Mit urchund ditz priefs. Geben ze Wienn am mittichen vor sand Symons und Judas tag der heiligen zwelif poten, anno domini (M. ccc. Ixim) millesimo trecentesimo sexa¬ gesimo quarto. Hoc est verum. Chunradus longus. Im Stiftsarchiv zu St. Florian, Codex Cle. Fol. 71b. Nr. xlinj. — Abgedruckt bei Kurz, Herzog Rudolf IV. pag. 401. CXCI 1364. 28. October. — Gottfried der Sinzenberger stiftet mit dem Auhof bei der Raming in der Behamberger Pfarre zu Garsten einen feierlichen Gottesdienst. ICH Gotfrid der Sinczenperger und .. mein hausfrowe und alle unserr erben wir verjehen, daz wir dem erbergen herren hern Erharten zu den czeiten abt ze Gaersten und seinem chunftigen covent ewichleich ingeantwurt und gegeben haben iren hof der si von recht angehôrt, mit allen den nûczen di dar zu gehorent, der gelegen ist im Pchaimperger pharr pei der Remnik und genant ist in der Aw und davon man dient alle jaerichleich czway pfunt pfenning wiener munzze, ain pfunt phenning an sand Jorigen tag und ain pfunt pfenning an unsrer vrowen tag zu der dienst zeit unverzogenchleich, und von den vorgenanten pfenning sol man alle jaerichleich geben an irrung dem vorgenanten covent ze Garsten vierzehen schilling pfenning wienner munzze und dem guster daselbs sechczig pfenning von allen sachen di in angehorent wi di genant sein mit solcher beschaidenhait, daz man alle jaerichleich da von begen sol di hochzeit, di genant ist transfiguracio mit allen tagczeiten und messen als obrist gewonhait ist in dem vorgenanten gotzhaus. Ich vorgenanter Gotfrid und all mein erben verjehen und verhaizzen auch dem vor¬ Urkundenbuch des Landes ob der Enns VIII. Bd 13
RkJQdWJsaXNoZXIy MjQ4MjI2