191 und darzü gehört dem erbergen mann Heinrich dem Schreiber zder zeit schaffer zder Vreinstat, seiner hausvrawn Dorothen und allen iren erben für ahtzik pfunt pfening wienner münzz der wir gäntzlich gewert sein. Wir haben in auch die obgenanten güter alle ze Stifftung mitsambt dem zehent daselbs geantbürtt auz unser nutz und gewer in ir nutz und gewer mit allen den nützzen diensten eren und rehten alz wir daz gehabt haben und alz si von alter herchômen sind, haben auch vollen gewalt die obgenanten gûter von in ze losen in dem gegenbürtigem jar an sand Jörgen tag der schirist chümt umb die obgenanten ahtzik pfunt pfenning. Wàr awer daz, daz wir an dem obgenanten sand Jörgen tag der schirist chümt von in niht enlösten, so sol daz obgenantt dorf ze Stifftung mit allen gütern die dorinn gelegen sind und auch mitsamptt dem zehent daselbs ir gechauftes güt sein für die obgenanten ahtzik pfunt pfenning der si unz emaln gewert habent, alz oben an dem brief verschriben ist. Und wer den gegenbürtigen brief mit ir gütleihem willen innhat, der sol alle die reht an den obgenanten gütern und gen unz haben alz si selb mit dem brief an den gütern und gen unz habent. Daz in die red also stät beleib, dorüber gib ich obgenanter Stephan von Harach in disen offen brief versigelt mit meinem anhangunden insigel und mit dez edeln erbergen herren hern Jansen von Train zder zeit haubtman zder Vreinstat und mit meiner liben vreunt Chraften von Harach und Jann von Lozperch anhangenden insigeln. Und auch mit dez obgenanten Chraften und Jann von Lozperch gunst und willen die handlung geschehen ist. Der brief ist geben nach Christes gepürtt dreutzehen hundert jar und darnach in dem vier und sechtzgistem jar an sand Michahels tag. Orig., Perg., die Siegel verloren; im Stadtarchiv zu Freistadt. CLXXXVIII. 1364. 13. October. — Stephan von Hohenberg tauscht Lehen von Passau zu Inningen an Friedrich den Marschall von Pappenheim aus gegen solche Lehen zu Tiefenbach und Reichgraben. ICH Stephan von Hohenberch vergich, daz ich mit meins lehen¬ herren hant des hochwirdigen fürsten hern Albrechts bischof ze Pazzoń recht und redleich ze einem widerwechsel gegeben han hern
RkJQdWJsaXNoZXIy MjQ4MjI2