189 gehörth an alle unser zusprüch unz so verr daz si der obgenanten siben phunt phennig und ires dienst bechomen ganz und gar. Wer aber daz si den obgenanten jartag nicht begen meines vaters alls vorgeschrieben stett, so haben si alle ire recht alle verloren ganz und gar dye si haben auf dem vorgenanten haus, is wer dann daz ehaft nâth chem daz man den obgenannte jartag nicht begen mecht dez nachsten tages oder dez andern tages nach sand Cholmans tag, so schol man in begen in den nachsten acht tagen nach sand Cholmans tag. Und daz dye red ganz stett und unvercherth pleib dez gib ich Stephann der Hyert den prief versigelten mit meinem anhangunden insigil und meines lieben freundes Gerluchs des Palleiter insigil den wir darumb peten han im und seinen erben an schaden. Der prief ist gegeben nach Cristes gepurth dreuzehen hundertt jar darnach in dem fir und sechzigesten jar an unser vrawen tag zu der dienstzeith. Orig., Perg., die Siegel abgerissen; im Stiftsarchiv zu Lambach. CLXXXVI. 1364. 25. September. — Kraft von Harrach versetzt an das Gotteshaus Neu¬ markt das Gut im Reut in der Pfarre Neumarkt und im Gerichte Freistadt um 24 Pfund Pfenning ICH Chrafft von Harach und all mein erben verjehen, daz wir versatzt haben unser gut daz genant ist in dem Raibt daz unser vreys aygen ist und gelegen ist in Newnmarchter pfarr, dem erberigen gotshaus datz sant Jacob zden Neunmarcht und dem erberigen mann Walekchn zden zeiten zechmaister oder wer chünftiger zech¬ maister ist dez selben gotzhaus datz dem Neunmarcht umb vier pfunt und zwaintzick pfunt alter wienner pfening. Wir haben in auch daz vorgenant güt versatzt mit allem dem daz darzu gehört, und geantwurten in auch den vorgenanten satzz auz unser nutz und gewer in ir nutz und in ir gewer mit allen nûtzzen ern rechten und diensten alz wir ez vor gehabt haben. Ez ist auch losüng alle jar jerichleichen an sant Michels tag acht tag vor oder acht tag hinnach, und wenn daz ist daż daz vorgenant gotzhaus datz dem Neunmarcht oder wer. chunftiger zechmaister ist dez selben gotzhaus des égenanten satzz nicht lenger innhaben wolten, so schullen si uns die losung anpieten
RkJQdWJsaXNoZXIy MjQ4MjI2