16 alz ich es und mein vorder wiert Erasem von Pernneck seliger und unser vordern in nutz und in lehensgewer herpracht und iengehabt haben und alz auch mein prieff sagent di ich von meim vorderm wiert Erasem von Pernneck seliger daruber han und von mein pruder Chünraten von Orberch. Es schol auch mein egenantter wiert Hans von Winden dazselb egenant hæus zu Pernneck mit alle dew und darzu gehórt als vorgeschriben stet in satzesweys inhaben alz lang, untz daz dez egenanten hœus nachst erben in oder sein erben mit dem obgenanten gelt als öben geschriben stet ermanen, zü welcher zeit daz ist so schol er ôder sein erben in daz selb hœus darumb zu losen geben an allen chrieg und an all widerrede. Es mag auch mein wiert Hans von Winden daz obgenant gelt auf dem egenanten haus zu P'ernnecke mit alle dew und darzu gehornt nach meinem tôd darwwf verschaffen dürch seiner sell willen oder wem er wil, oder umb daz selb gelt versetzen wo er oder sein erben hin wollen an all irrung, wann sew dez obgenanten geltes nicht lenger geraten oder enpern wollen, und hat auch mein wiert Hans von Winden und sein erben dez vollen gewalt, daz sew mit demselben egenanten gelt nach meinem tôde wol allen irn frumen geschaffen mugen als mit anderm irem aygem gût an aller meiner erben und vreunt ierrung. Daz im disew gelübde stet und untzuprochen peleybe darüber gib ich meim egenanten wiert Hansen von Winden disen offen prief versigelten mit meim aygen anhangunden insigell und mit meins herren hern Friderichs von Walse ob der Steyermarch anhangunden insigell und mit des edeln herren hern Friderichs von Stübenperch anhangenden insigell, di sew durch meiner pesunderen pet willen zû ainer gczawchnis an disen prieff gehangen habent ien an schaden zu ainer urchünd der wærhait. Der prief ist geben nach Christes gepürd dreutzehen hundert jar darnach in dem ain und sechtzigsten jar an sand Jorgen tag. Orig., Perg., im Schlossarchive zu Gschwendt. Die drei Siegel verloren. XVII. 1361. 10. Mai. — Friedrich und Heinrich die Rotauer versetzen an Wernhart, den Ledrer Bürger zu Schärding, ihre Güter zu Hub bei Wirting und zu Prantschachen. Ich Fridreich und ich Hainreich die Rotawer, unser haus¬ frawen und all unser erben wir verjehen offenleich, daz wir schuldich
RkJQdWJsaXNoZXIy MjQ4MjI2