175 wie die genant ist ez sei vogtphenning vogtfüter oder varstfüter selben geben, und ob der herczog oder ander gwaltig herren von irem gwalt wolten waegen oder roz haben von dem egenanten halben hof, daz schullen wir allez selben auzrichten da habnt vorgeschriben herren ze Pawngartenperg nichtz mit zeschaffen, und wann sich der egenant halb hof verwandelt von ainem hincz dem andern mit erbrecht, so schol der da aufgeit geben czwen und dreizk wienner phenning und der da bestet alz vil und wann er sich verwandelt mit verchaufen, so schol der da hin geit geben ain halb phunt wienner phenning und der da chaufft alz vil und nicht mer, wir sein auch in nichez mer von dem halben hof gepunden ze geben weder stewr noch für und chürczleich allew die vadrung die auf erd mag gesein, die schullen wier in mer raihen noch tun fùr daz wir in irn trayddienst geben ze dem tag alz er oben an dem prief verschriben ist, wenn allew verwandelung dez halben hofs schol geschehen mit irer hofmaister hant ze Chrems mit den rechten, alz ez an dem prief vor verschriben ist und nach dez priefs sag den wir von in daruber haben, wir schullen in auch den vorgeschriben trayddienst geben in Gnausendorfer mazz und antwurten gen Chrems in irn hof. wer auch daz wir in den trayd¬ dienst versaczzen und nicht gaeben ze dem tag alz er geschriben ist, oder daz den halben hof wir verwandelaechten an ires hofmaister hant, so vervallen wir in aller der wandel und rechten, die ander herren und ritter und chnecht im lant hincz irn holden umb soleichs habent, und habent auch sew uns darumb ze nôtten und ze pessern nach lants recht ze Oesterreich und anders nicht. Daz die red staet und unczebrochen beleib, dez geben wir in ze urchund den offen prief versigelten mit meim vorgenantes Petrein dez Swaben anhangunden insigel, und seind daz der egenant Hainreich der Dürrenhofer der perchmaister ist die czeit der vorgeschriben aindlef jewch akcher gewesen nicht aygens insigels die czeit hat gehabt, dar (umb haben) wir und er mit sampt uns gepeten die erbern laewt Ruprechten den veldrichter und Niclasen von Weytra die czeit judenrichter ze Chrems, daz sew der sach auch geczeugen sein mit irn anhangunden insigeln in an schaden. Der prief ist geben nach Christes gepurd drewczehenhundert jar und dar nach in dem vier und sechezkisten jar an sand Görgen abent. Aus dem Originale im k. k. Hausarchiv auf Pergament, die drei Siegel fehlen.
RkJQdWJsaXNoZXIy MjQ4MjI2