163 gepurt drewczechen hundert jar darnach in dem vier und sechczi¬ gosten jar an unser frawen abent zer liechtmez. Orig., Perg., in dem k. k. Hausarchive mit drei hängenden Siegeln; das erste und dritte von weissem. Eberharts von Wallsee von rothem Wachse. CLXI. 1364. 2. Februar. — Abbt Seifrid und der Convent des Klosters zu Reun ver¬ binden sich dem Herrn Eberhart von Wallsee und seinen Vorfahren einen Jahrtag mit 24 Messen zu begchen, wofür er dem Kloster sein Haus zu Bruck a. d. Mur mit aller Zugehörung verschafft hat. Wier prueder Seyfrid zu den zeiten abbt und allew sammung in dem chlóster dacz Reun wier verjehen, daz wir uns verpunten haben dem erbern edeln herren hern Eberharten von Waltsse sæligen und seinen vodern ainn jartag ze begen des nesten sampstages vor sand Larentzen tag all jar mit aller wirdichait und andacht nach unsers ordens gewonhait in aller der weis als wir unsers stifter jar¬ tag begen, mit vigili und mit aller gaistleichen arbait als ee gewonleich gewesen ist in unserm chlôster, darzue mit vier und tzwaintzikch messen also, daz yeder prister in der messe ein besünder collecten sprechen schol umb des vorgenanten hern Eberhartes und seiner vórdern seel zu hilf und ze trôst, auch welhew messe an dem tag ver¬ saumpt wirt daż die vier und tzwainczikch messe nicht gar volpracht wurden, die schullen inner acht tagen nach dem jartag mit gueter gewizzen an underjazz genczleich volpracht werden und gesprochen daz der chainer versaumpt beleib. Auch lob wier daz an dem vor¬ geschriben jartag aller unser samnung ein erber almuesen von dem chloster geben werd, yedem mann uber sein phruent ein mazz guetes weins ain richt gueter visch und ain semel nach unsers chlosters gewonhait in den worten, daz yeder man zu der egeschriben arbait dest williger und andéchtiger sei, und hab wir daz ainvoltleichen getan mit gueter gewizzen durch Got und auch umb die genad und umb die trew die der vorgenant her Eberhart zu uns und zu unserm gotzhaws gehabt hat. und hat zu unserm chloster geschaft daz haws daz er und sein vordern datz Pruk in der stat pei der Mwer gelegen in Stcyer gehabt habent mit allew dew und zu dem haws gehört hat und gehören schol mit ekchern und mit wisen in allen
RkJQdWJsaXNoZXIy MjQ4MjI2