163 CLIX. - Sighart der Gneuss verschreibt seiner Hausfrau Adelheid 1364. 21. Jäner. ihr Heiratsgut auf liegenden Gütern. ICH Syghart der Gneüzz und all mein erben verjehen, daz ich gegeben han meiner lieben hawsvrawn vrawen Alhaiden der Ybenin sübentzich pfunt wienner pfening ze rechtem heyratgut nach lantz recht ob der Ens auf den höffen und zehent die hernach geschriben stent, auf dem hof datz Pernód mit den zwain tailn zehentz doselben, der gelegen ist in Newuchircher pfarr in Wechssenberiger gericht und lehen ist von dem edeln herren hern Rüdgern von Starhenberich, und auf dem hof datz Aruberig mit den zwain tailn zehentz doselben, der mein rechter satzze ist von dem vorgenanten hern Hudger von Starhenberich für viertzich pfunt pfening und vier pfunt pfening und gelegen ist in der vorgenanten pfarr, und auf dem halben hof datz Od, der gelegen ist in Veltchircher pfarr und lehen ist von dem edeln pischolff ze Pabenberich. Wer aber daz mein vorgenanter herr her Rüdger von Starhenberich oder sein erben von unz losten den vorgenanten hof ze Arnberig, so schüllen die egenanten viertzich pfunt pfening und vier pfunt pfening meiner vorgenanten hawsvrawen vrawen Alhaiten wider angelegt werden mit ainer gewizzen nach unsrer paider frewnd rat do si si und ir erben wizzen ze vinden. Daz der vorgenanten vrawen Alhait meiner lieben hawsvrawen und allen iern erben die red stêtt und untzerprochen beleib, doruber so gib ich vorgenanter Syghart der Gnauzz und all mein erben in den offen brief wol versigelt und bestet für allen chünftigen chrieg mit meim anhangunden insigel, und mit meins lieben sûns Hansen des Gneuzzen anhangunden insigel, der auch der sach und der wandlung mitsampt mir rechter gewer und selb geschol ist, und zw ainer zewgnuss pesser sicherhait versigelt mit meins lieben genädigen herren hern Rüdgerz von Starhenberich anhangunden insigel, der auch der vorgenanten zwaier hóff und zehent rechter lehenherr ist, und mit meinz lieben pruder Hunsen dez Gneuzzen anhangunden insigel. Der brief ist gegeben do man zalt nach Christez gepürtt drewtzehen hundert jar
RkJQdWJsaXNoZXIy MjQ4MjI2