14 XV. 1361. 24. April. — Dietrich der Schifer reversirt und vollführt die Stiftung cines Seelgerâthes bei dem Gotteshause Baumgartenberg durch seine Hausfrai Agnes und ihren ersten Wirth Chunrat den Hauser. Ich Dietrich der Schifer vergich und tuen kundt offennlich mit dem brief, das dem erwirdigen geistlichen herren abbt Joannsen und dem convent gemain ze Pawngartenperg sind ledig worden mit meiner lieben hausfrawen tod frawen Agnessen der Got genad die drew guet also genant, ain hofstat haist in dem Rewt, ain lehen in dem Steinach, ain lehn datz dem Klaindienst, und sind alle drew gelegen in Sand Thomans pfarr, die in Chuenrad der Kawser seliger meiner egenanten hawsfrawen erster wirt mit irem willen geschaft hat zu der zeit da er es wol tuen macht durch ir baider selhail willen in und iren vodern und allen iren nachkomen zu ainem ewigen seelgerat, die ir baider freyes aigen und ledigs und unver¬ kümerts guet sind gewesen, die er in auch auf hat geben bey seinen lebentigen tagen mit sollicher beschaidennhait, das er und auch mein vorgenannte hawsfraw die zu den zeiten sein hawsfraw ist gewesen, dieselben guet sullen innhaben und nutzen, die weil sy baide lebten. Und zu urchund das die obgenannten herren datz Pawngartenperg der vorgenannten güeter nutz und gwèr hieten, habennt in der vor¬ genannt Chunradt Kawser und auch die egenannt fraw Agnes mein hawsfraw selig von denselben güctern all jar gedient und geraicht ain phund phenning untzt an iren tod. Und wann sy baide nymmet warn zu hannt, so solten sich die egenanten herren zu Pawngartenperg der vorgeschriben güeter undterwinden unnd solten die fürbas ewigklich haben als aunder ir freys aigen, und sullen auch davon jarlich an sand Anndrestag dem vorgenannten Chunrad Kawser und meiner obgenannten hawsfrawen frawen Aguessen einen jartag begeen mit allen sachen, als gewonhait ist in irem orden. Und an demselben sol man den herren in das refennt ein mal mit vischen geben und mit anndern sachen als gewondleich ist von anndern erbern lewten. Dieselben güeter pracht sy zu mir und hab die mitsambt ir genutzt unnd inngehabt dieweil sy mein hawsfraw ist. Derselben güeter awssen ich mich mit dem brief und sag sy den herren date Pawngartenperg ledig und frey von mir und von all mein erben und frewnten, das wir fürpas ewigkleich kain recht noch ansprach nym-
RkJQdWJsaXNoZXIy MjQ4MjI2