13 alz daz stät ze haben daz vorgeschriben stet. der brief ist geben do man zalt nach Christi gepurd drewczehen hundert jar darnach in dem ain und sechczigistem jar dez sampcztags vor sand Jorgen tag. Aus einem Copialbuche des Klosters Mondsee vom 15. Jahrhundert. XIV. 1361. 21. April. — Die Brüder Friedrich und Heinrich von Wallsee bevoll¬ mächtigen ihren Vetter Eberhart von Wallsee, Hauptmann ob der Ens, ihre Schwester Ursula zu verehlichen. Ich Fridreich von Waltse von Ens und ich Hainreich von Waltse sein prueder vergehen offenbar mit dem brief und tün chunt, daz wir unserm liebem vetern hern Eberharten von Waltse haubtman ob der Ens freyleich und vollen gewalt gegeben haben, umb unser lieben schwester Urselu zu beheyraten also, swi er diselb unser obgenante swester bcheirat, daz wir im des in allen sachen gehorsam sullen sein mit worten und mit werkchen. Und swo wir daz in dhaim artikel indert uberfueren und im derselben sache auzgiengen, so hat er vollen gewalt uns darumb ze zûsprechen und auch monen und vordern cze laisten, und nach der selben monung sulle wir im unvertzogenleichen vier erber rittermêzzig chnecht jeden chuecht selberandern mit zwain phêriften inlegen ze laisten gen Lintz in ein erber offen gasthaus da in hin geczaigt wiert, und sullen diselben da innligen und laisten angever und nicht auzchomen, untzen daz di sache alz obgeschriben gäntzleich volpracht und volfuert werd. Wir vergehen auch, daz unser vorgenante swester Ursel vertzeichbriel geben sol alz ander ir swester gegeben habent also, swenn daz ist daz si ze schulden chumt mit ierm wiert swer der ist den ir Got beschaffen hat. Daruber ze urchund gib ich vorgenanter Friedreich von Waltse disen offen brief besigelten mit meim anhangunden in¬ sigel, darunder ich mich obgenanter Hainreich von Waltse sein prueder verpint mit mein triwen allez daz stêt ze haben und volfuern alz obgeschriben stet wand ich aygens insigels nicht enhan. Der brief ist geben von Christi gepürd dreuczehen hundert jar darnach in dem ains und sechtzigisten jar des mitichen vor sand Görgen tag Orig., Perg.. ein Siegel von weissem Wachs. K. k. geh. Hausarchiv. Abgedruckt im Notizenblatte der kais. Akad. der Wiss. 1854, pag. 344, Nr. 99.
RkJQdWJsaXNoZXIy MjQ4MjI2