147 CXXXIX. 1363. 29. Juni. — Die Pfarrleute der Pfarre Ranshofen verkaufen dem Dechant Heinrich von Kanshofen fünf Schilling jährlicher Gülte um vier Pfund Pfenning. Wir gemainchleich di pfarrlawt der pfarr ze sand Michel dacz Ranshofen verjehen offenleich an dem brif, daz wir ze chauffen geben haben hern Heinrich chorherren ze Ranshoven und auch techent ze den selben zeiten funf schilling öttinger pfenning ewigez gelez umb vier pfunt regenspurger pfenning der er uns gancz und gar gericht und gewert hat, und schullen wir di vorgenanten funf schilling pfenning jærleichen raichen und geben den herren in daz chloster daselben auf sand Mychelztag, oder daz gelt daz dann gib und gaeb ist. Und wer derselben herren oblayer ist der schol auch dez selben gelcz ein halbz pfunt geben jarchleichen in ir oblay an unser frawen¬ tag so si empfangen wart, und schol auch di selb hochzeit davon löbleich auf dem chor begangen werden. so schullen di ubrigen dreyzck pfenning gevallen in die gustrey den heiligen ze dem liecht. Wir verjehen auch, ob wir indert sawmig darinne waern daz doz vorverschriben gelt nicht geviell auf die vorgenanten vrist, so hat der oblayer vollen gewalt ze verpfenden di zechlaewt dacz sand Mychel alz lang und alz vil uncz daz er dez vorgenanten geltz gar und gancz gericht und gewert wirt. Si schullen auch mit uns tragen schawer pezez urleug und auch gemainen landez presten, da uns Got vor behueth, nach irr beschaiden alz an andern irn urbarn. Und daz in daz allez staet und unzebrochen beleib ze einem urchunt der worhait geben wir in den brif und under der zwayer erbern mann Ulreichen dez Chlinger ze denselben zeiten pflèger ze Purchawsen und vycztum in dem Weilhart und Chunradz dez Nötleich anhangunden insigeln versigelt. Daz ist geschehen do man zalt von Christez gepurd tawsent jar drew hundert jar und darnach in dem drew und sechczigistem jar an sand Peters und sand Paulz tag. Orig., Perg., beide Siegel stark beschädigt. Königlich baierisches Reichs¬ Archiv zu München.
RkJQdWJsaXNoZXIy MjQ4MjI2