139 dann den obgenanten sacz darfur inne habent nuczen und niessen sullen in dem rechten als vor verschriben stet als lang. unez das in mein nachst erben von in gelosent umb sybenthalb hundert phunt wiennar phenning. als auch vor benant ist. Wenne aber das ist das ich oder nach meinem tode mein nachst erben den vorgenanten sacz von der egenanten meinner hawsfrawn losen wellen, den sol si uns denne ze losen geben umb sibentthalben hunder phunt wiennar phenning und sullen auch denne die selben phenning wider angelegt werden an ander gût nach unser payder frewnd rat also. das ich und die selb mein hawsfrawn fraw Elzbet das gût daran die sybenthalb hundert phunt gelegt werdent innchaben und nuczen sullen und das auch es erben und gevallen sol wenne es zw schulden chumbt in allem dem rechtem als vor an dysem brieff verschriben ist. und sein auch wier ich Hainrcich von Ncytperchk und alle meine erben unverschaidenleich der vergenanten gult und guter aller der egenanten meinnar hawsfrawu frawn Elzpeten und ierer erben ob es auf die gevellet als vor geschriben stet recht gewern und scherm fur alle ansprach. als aygens saczung widerlegung recht ist und lande (sic) recht ze Osterrcich und ze Steir, war aber das in an den vorgenanten funf und sechczig phunten geltes mit recht icht abgieng, das sullen wier in ganczleich erstatten von anderm unserm gût und sullen auch si das haben auff uns und auff allem unserm gût wo wier das haben wie das génant ist, wier sein lembtig oder tôde. Und das disew sache furbas also stat und unzerbrochen beleibe, daruber so gib ich in disen brieff zw einem waren urchunde der sache versigelt mit meinem insigel und mit meins bruder insigel Gotschaligs von Neitpergch und mit meins ochayms insigel hern Alberns von Puchaym obrister druchsácz in Osterreich und mit meins swagers insigel hern Petreins von Eberstorff obrister chamrár in Osterreich, die diser sach gczewg sind mit iren insigeln. Der briff ist geben ze Wienne nach Kristi gebúrd drewczehen hundert jar darnach in dem drej und sechczgisten jar an unsers hern Gots leichnam abent. Aus der Urkunde auf Papier (als einer späteren Abschrift des Originals), im herrschaftlichen Archiv zu Gschwendt.
RkJQdWJsaXNoZXIy MjQ4MjI2