138 achczig phenning ain phunt harphenning sechczig chäes für ain phunt phenning fünffthalben mütt marichfuetter für funffthalb phunt phenning und achczehen emmer weins perchmazz fûr funffthalb phunt phenning. Ein dorff haizzet Ruegersstorffgelegen auch in Hartperger pharr, das dient an sand Michels tag zweliff phunt und an sand Jorigen tag syben phunt phenning und daselbs von einem zehent zwey mûtt chorns Hartperger masse fûr vier phunt phenning und zwen mütt habern fûr zwai phunt phenning, mitt allen den nüczen und rechten, als ich die verschriben gûtter und gûld alle in aygens gewer herpracht han, also mit ausgenomener rede, ist das die vorge¬ nante mein hawsfrawn frawn Elzpet chind mit mier gewinnet. darauff sollen dan die égenanten sybenthalb hundert phunt auf dem obgenanten sacze nach unser paide tôde erben und gevallen ob der selb sacz als lang ungeloset beleibet, war aber daz die selb mein hawsfraw frawn Elzbet sturb e denne ich und das si mier nicht chind liezze die wier mit einander hieten des Got nicht geb. dennoch so sol ich die egenantten sybentthalb hundert phunt auff dem vorgenanten sacze in nucz und in gewer inne haben unverchumert unez an mein tôde als saczung haymstewr und widerlegung recht ist und lands recht in Osterreich. Und nach meinem tôde so sullen denne der selben phenning meiner hawsfrawu haymstewr fumfl hunder (sic) phenning auf dem egenanten sacze hin wider erben und gevallen auf der egenanten meiner hawsfrawn frawn Elzbeten nachst erben vater halben, und die anderthalb hundert phunt sullen denne auch auff den selben sacz erben und gevallen auf der selben meiner hawsfrawn nachst erben muetterhalben, mitt der beschaydenhait, das sie denne den vorgenanten sacz innehaben niezzen und nuczen sullen an allen abslag als saczung recht ist und des lands recht in Osterreich, als lang. unez das in mein nachst erben von in gelosent umb sybenthalb hundert phunt wienner phenning. Wär aber das ich Hainreich von Neitperch sturb ce denn die egenant mein hawsfrawn frawn Elzpet, und ob ich ier auch nicht chinde liesse, so sol sie denne den obgenanten sacz die weil man in nicht lost in nucz und in gewer inne haben uncz an iern tôde, und nach irem tode ob das ist, das si an leiberben vervêrt, so sullen denne aber die vorgenanten sybenthalb hundert phunt auff dem egenanten sacz erben und gevallen auff derselben meiner hawsfrawn nachst erben von vater und von muter auff ygleich als vil, als sy ze recht angehort als vor an disem brieff ausgenomen ist, die denne
RkJQdWJsaXNoZXIy MjQ4MjI2