135 ze Regenspurch in aller weis alss wir ander unser lehen von in erchennen. Und dez ze einem waren und offenem urchundt diser sache geben wir disen brief bisigelt mit unserm grozzen fürstlichen anhangunden insigel, der geben ze Wienn am freytag vor dem plingstag nach Christes gebuerd dreyzehenhundert jar darnach in dem drey und sechzigisten jar unsers alters in dem vier und zwainzigisten und unsers gewalts in dem fûnfften jare. Aus Strein's genealogischen Handschriften. CXXX. 1363. 23. Mai. Wien. — Herzog Rudolf entschädigt die Bürger von Eus mit der Mauthfreiheit für den Wein auf der Donau zwischen Ens und Wien für den Schaden, den sie dadurch erleiden, dass die von Gmunden mit dem Salz nicht mehr in ihre Stadt fahren müssen. Wier Rucdolff der vierd von Gotes gnaden erczherczog ze Osterreich ze Steyr und ze Kernden herr ze Krain auf der Marich und ze Porttnawe graf ze Habspurg ze Tirol ze Phirt und ze Kyburg marichgraf ze Purgowe und lantgraf in Elsazz bechennen mit disem brief fur uns und unser brueder erbm und nachkomen umb die invart mit dem Gmundischen salez in die Ens, darumb unser purger von Gmunden und ouch von Ens stôzzig gewesen sind, daz wir dieselben invart genczlich abgenomen haben und nemen si ouch ab mit disem brief. Und wan unsern purgern von Ens davon irs gewerbes und ierr arbait vil abget, haben wier denselben purigern von Ens dafur zu ergeczung und zu ainer widerlegung der egenanten invart die gnad getan und tun ouch. daz si frey und ledig varen sullen mit iern weynen auf dem wazzer auf und ab zwischen Ens und Wienn vor allen mautten, an zu Wienn da si die mautt richten sullen, und ze Ybs sullen si ier gewonlich recht geben, und zu Emmerstorf'sullen si ouch mautt geben als ander unser leut und purger. Und sullen ouch die egenanten purger von Ens dieselben ier weyn bestetten mit ier ayde. daz die ier sein und nicht andrer leut so beschaidenlich, swas dieselben purger von Ens des Gmundischen salczes fûrent, daz si damit varen an den stetten als ez von alter gewonhait herchomen ist. Welicher aber under in des nicht têt und ubervaren würde, der sol das salez genczlich verlorn haben an alle gnad und sullen ouch wier
RkJQdWJsaXNoZXIy MjQ4MjI2