133 hundert jar darnach in dem drew und sechtzkisten jar des eritags nach Quasi modo geniti. 1 Orig., Perg., Siegel verloren; im Stiftarchiv zu Lambach. CXXVIII. 1363. 24. April. — Wernhart der Myerl von Rechberg hat von dem Abht Johannes von Lambach ein Joch Weingarten am Lindberg (bei Krems), davon muss er 10 Pfenniny Burgrecht den Nonnen zu Imbach und ein halbes Pfund Pfenning Dienst in den Lambacher-Hof zu Krems geben. Ich Wernhart der Myerl von Rechperch und ich Chunigund sein hawsvrow und all unser erben wir verjehen, daz uns der wirdig geystleich herr apbt Johans zu den zeiten ze Lambach mit wolver¬ dachtem muet und mit seines convents veraintem rat zu den zeiten do er ez wol getun mocht recht und redleich gegeben hat seines gotshaws weingarten ledichleich mit allen nutzen der gelegen ist an dem Lintperig dez ain jewch ist mit solicher beschaydenhait, daz wir alle jar do von geben schullen ze purchrecht zehen phenning an sand Mychels tag swester Angnesen der Grafenverderin ze Minnpach, und schullen auch im und seinem gotshaws ze Lambach alle jar järleichen dovon dienen und raichen ain halb phunt phenning wyener münzz ze dienst in irn hof ze Chrems an sand Merten tag in allen dem recht und nutzen alz man andern dienst dient in dem lande ze Osterreich, und wann sew uns irs versczzen diensts und wandel nicht lenger peyten wellent, so habent sew vollen gewalt daz sew uns nôtten und phenten mit dem wein in dem weingarten in der prezz oder wo sew oder ir amptläut dorauf chumen mugen mit der perchvrown oder mit dez gerichts gewalt an furbot au chlag und an alz rechten so lang untz daz sew diensts und wandel gantz und gar gerichtt und gewert werden, und schullen sew dez unenkolten bleiben vor allen läuten, und durch pessar sycherhait haben wir im ze ebentewr gesatzt ledichleich und unverchumert mit allen nutzen unser viertail wein¬ garten gelegen an dem Lintperg und haizzet daz Pasöttel mit perch¬ herren hant Rappots dez Runipfs und Ortleins dez Saelden purger ze Chrems den man dovon geit ze purchrecht alle jar zehen phennig an sand Mychels tag und nicht mer. wir haben auch vollen gewalt den egenanten weingarten ze versetzen und ze verchauffen und wol geben wem wir wellen mit allen den rechten di vorgeschriben stent
RkJQdWJsaXNoZXIy MjQ4MjI2