132 gib noch verricht, so schol der obgeschriben zehent dem oft genanten probst und dem gotshaws datz sand Florian vervallen sein und schol ich gevallen sein von allem dem rechtem daz ich daran gehabtt han, und schol auch der probst noch daz gotshaws furbaz von mier umb den selben zehent dhainen züspruch nicht haben noch leiden. Daz di red und die wandlung also stat und unverchert beleib, darüber gib ich dem probst und dem gotshaws datz sant Florian den offen brief versigilten mit meinem anhangundem insigel, und ze ainer pezzern zeugnuzz mit herren Seyfritz des Hugensperiger anhan¬ gundem insigel. Der brief ist geben nach Christi gepürd dreutzehen hundert jar darnach in dem drew und sechtzkistem jar an sand Rüprechts tag. Vom Archiv zu St. Florian Codex Cle f. 196. CXXVII. 1363. 14. April. — Leupold von Weissenberg übergibt dem Gotteshaus zu L.ambach seine frei eigene Wiese zu Speck in der Pfarre Neukirchen. Ich Leupold von Weyssenberch vergich, ... daz ich . . . diw wis gelegen ze Spekch in Newuchyrcher pfarr ze nachst Lambach diw mein rechtz aigen gewesen ist und diw Wernhart der Probst ze rechten lehen von mir hat gehabt, gegeben han mit der aigenschaft recht und redleich dem wol ersamen gotshaws ze Lambach aus meiner und aller meiner erben nutz und gewer in des gotshaws nutz und gewer also beschaidenlich, daz ich und all mein erben furbaz weder nach aigenschaft nach lechenschaft derselben wis chain anspruch sullen haben weder mit recht noch an recht, und des verzeich wir uns mit dem gegenburtigen brief also daz furbaz ymmermer daz vorgenant gotshaws ze L.ambach alle diw recht mit aigenschaft mit manschaft mit lehenschaft an der obgenanten wis sol haben diw wir daran haben gehabt vreyleich an allen chrieg, und daruber gib ich vorgenanter Leupold ron Weyssenberch dem égenanten gotzhaws den gegenburtigen brief versigelten mit meinem anhangunden insigel und mit des wollbeschaiden chnechts Ulreichs des Oberhaymer anhangunden insigel der durich seiner beschaiden und pet willen daz getan hat im an schaden. Der brief ist gegeben nach Christes gepurd drewzehen
RkJQdWJsaXNoZXIy MjQ4MjI2