131 nach mir lyechtmayster ist und dew purger mit sampt uns der vor¬ verschryben sechs schilling phenning geltz ier gewer sein und schollen sew daż haben dacz dem lyecht und dacz dem lyechtmayster und dacz unsern trewn und auf alle dew und daz lyecht hat, und schol auch den prief nyempt inne haben nach ierem tôd den swem in der richtter und der ratt enphilicht von ieren trewn. Und enphilich ich auch daz geschaft und daz sell gerat dem richtter und dem ratt und den purgern hincz ieren trewn ewichlich. Daruber zwaym waren urchund der worhayt geben bier in den prief, der wesigellt und westætygt ist mit meynem vorgenanten Ottens dez maister Chünratz sun zw den zeiten lyechtmaister sand Johans der pharr zw Wels anhangunden insigell und zw aynner pessarn sicherhait mit dez erbern mans Dyctreichs dez jungen Hawnoltz zw den zeiten gebaltygen statrichtter zw Wels und mit der erbern statt zw Wels anhangundem insigell daz sew uns habent angelegt zw ainer geczewgnuzz der vor verschriben sach. Der prief ist geben an unser vrawntag in der vasten nach Chrysti gepurd uber drewczehen hundert jar darnach in dem drewsechcz¬ kisten jar. Orig., Perg., im Stadtarchiv zu Wels; die Siegel abgefallen. CXXVI. 1363. 27. März. — Revers Heinrichs von Stätzing. von seinem Leibgeding, einem Zchent zu St. Oswald, dem Kloster St. Florian jährlich ein Pfund P'fenning zahlen zu wollen. Ich Hainra’ch von Státzing vergich, daz ich ze lehen han von dem ersamen geystleichen meinem genadigen herren probst Weyganten datz sand Florian und von dem gotshaws daselbs einen zchent gelegen in sand Oswaltz pharr ze meinem leibgeding und nicht fúrbaz, davon ich alle jar jarleichen dienen und raichen schol unverzogenleich ze rechtem zins dem obgenantem probst und dem gotshaws datz sand Florian an sand Merteinstag ain phunt alter wienner phenning. War aber daz ich den vorgenanten zins ze den vorgenanten tagen versaczz und nicht gàb und gestet ez darnach drei viertzehen tag, so pin ich vervallen ze wandel sechs schilling phenning ye von viertzehen tagen sechtzig phenning. gestet ez aber darnach ein jar daz ich den obgenanten zins und auch darzù daz wandel nicht
RkJQdWJsaXNoZXIy MjQ4MjI2