127 CXXII. 1363. 12. März. — Friedrich der Fäustling, Bürger zu Perg, stiftet daselbst im Gotteshause ein ewiges Licht von den Einkünften einer halben Point, die bei Perg gelegen ist. 1CH Fridreych der Fewstlinch purger ze Perige und ich Chúnigunde sein hawsvrawe wier vergechen, daz wier zu aym ewigen selgræt uns und allen unsern vodern geben haben die pewnt halbew die gelegen ist obe dez marchez ze Perige, und stôzt, an den stege und an den grabem, da man von dient vier pheninge jærchleych an sant Görigen tage ze pürchrecht dem richter zu den selben czeiten und nicht mer, und haben aüch die geschaft und geben pey unsern lembetigen tagen halbew, alz vor geschriben stet, und habew (sic) ist si unserz aydem Chunracz dex Negerlein, also beschaidenleich zu ayem (sic) anvange ayns ewigen liechtez nacht und tage ze pryunen in aynnær lámbpen vor unser vrawen alter in dem goczhaws ze Perige also, wer die halbev pewnt wil inne haben nach unsrem tode nach der vrewnt rat, der schol alle wege daz jar halbs daz liecht davon berichten und belewchten an allew ierrunge. Die weyl wier leben so well wier is selb inne haben und verrichten, und mer war, daz chayn sawmmůnge daran wůrde von dem der di vorgeschriben halbeu pewnt inne hat nach unserm tode, so schol sych wer dez gocz¬ haws zechmaister ist ze Perige von der purger wegen, der halben pewnt underwinden an allen chriege und daz halbe jar davon belewchten als emal nû geschriben stet, und wer mesnær ist pey dem selben goczhaws ze Perige, dem schol man jærchleich ayn meczzen chorn geben daz er des liechcz phlege und dez fleizsigær sey, und ist der sach geczewge Dietreych der Daum Olt der Smide Christan der Windisch Chünrat der Nægerl Nycla der Mügerl Hainreych der Rayde Chinrat der Ringel Nycla der Messrer Fridel in der Freyunge Nyclu der Chrsner Christan der Tinschaden und an der erber lewt genûge. Und das die rede stæt und ewichleich dapey beleib, wann wier aygens insygel nicht haben nach dez marchez gewanchait geb wier den brief ze aym ewigen ürchünt versygelt mit Wysenèz unsere richter anhangunden insygel ze den selben zeitten ze Perige, und ist der sach geczewg Hainreych der Lemppel mit seim anhangundem insygel. Der brief ist geben nach Christez gepürdt
RkJQdWJsaXNoZXIy MjQ4MjI2