10 purger zder Freynstat umb sein aygenschaft güt gechaufft hat von Ottn dem Grüber umb zwai und dreizk phunt phening wienner münzz ain gut genant datz der Spraid gelegen in Rieder pharr, und hat uns daz geben lawterleich durch Got jem und allen seinen vödern und allen seinen nachkomen zu einem ewigen selgræt mit söleicher beschaidenhait, daz wier iem und auch seinen zwain hawsfrawn vraven Elzpeten und vraven Margreten und andern allen seinen erben und gescholen schullen begen einen jartag mit allen sachen alz gwondleich ist in unserm orden, jærleich an dem achteden tag nach sand Jacobs tag. und an dem selben tag schol man von der abtey, wer unterchellner ist, von ainem phunt phening geben den herren in daz refent ein mal mit vischen und mit wein alz man von andern erbern læwten tût die jartag datz in gestifft habent. Wier schullen auch oder wer nach uns herr und apt ist seinem vetern prüder Merten unserm munich von unserr bursen raichen jærleich an sand Michels tag ain phund phenning oder wann er sein dürftig ist, die weil und der vorgenantt prûder Mert lebt, und wann er nimer ist, so ist daz vorgeschriben phunt phenning daz man iem raicht der aptey ledig und schol man nichtz mer jemand davon geben. War awer wier daran saymig und dem obengenanten prûder Merten daz phunt phening nicht raichten oder den jartag nicht begiengen alz oben an dem prief geschriben stet mit dem mal und mit allen sachen, zchant so schol sich der vorgenant Uelreich Ochgsel und nach iem sein nægst erben oder wer den prief inne hat dez vorgeschriben gûtz underwinden und daz alz lang inne haben untz daz die saymchait von uns wol wizzenleich gepessert werd, damit so ist uns daz gût wider ledig alz cc. Daz die red stæt und unczebrochen beleib dez geben wir iem zu einem ewigen ürchund den offen prief versigelten mit unsern paiden anhangunden insigelen, der geben ist an dem samstag nach dem heyligen ostertag. do man zalt von Christes gepürd dreuczchen hundert jar und in dem ains und sechtzkistem jar. Orig., Perg., mit zwei hängenden Siegeln in gelbem Wachs im Magistrats¬ archive zu Freistądt.
RkJQdWJsaXNoZXIy MjQ4MjI2