116 und mit aller unser willen unversprochenleich wol getün möchten haben ze chauffen gegeben dem erwirdigen und geistleichem herren abt Hainreichen und dem convent und dem gotshaws ze Chremsmúnster unser wysen di da gelegen ist pey des gotshaws hof ze Vischen in Chembnater pharr, und genant die Achleiterinn, di wir auch emalen von demselben gotshaws zelehen gehabt haben, und di vorgenanden unser wysen der sechs tagwerch wismats sint haben wir in ze chauffen gegeben auz unserr ntz und gewer in ir und ires gotshaws nutz und gewer mit allen den eren rechten und nützen di von allter durch recht darzu gehorent, besucht und unbesucht wie die genant sint, umb fumf und sechtzikch phunt alter wyenner phenning, der wir von in und von irem gotshaws gantz und gar gericht und gewert sein, also mit beschaiduer red, ob daz waer daz ymant mit briefen herfür nach uns chaem, ez waeren christen oder juden die hintz dem gotshaws ze Chremsmûnster von der vorgenanden sechs tagwerch wismats und von der wisen wegen ichtes zesprechen hieten von unsern wegen, die selben brief alle sullen gaentzleich und gar ab sein und tôd wider den gegenburtigen brief, also daz wir vorgenant noch ander nyemant von unsern wegen hintz den egenanden sechs tagwerch wismats noch hintz der wysen furbaz nymmer mer nichts zesprechen haben, weder mit recht noch an recht wenikch noch vil. Wir sein auch des obgenanden sechs tagwerch mismats der wisen und des chauffs ir und ires gotshaws gewern ze hof ze tayding wo in des nôt und durft geschicht und also wir daz zerecht tun sullen nach lants recht, und waz in und dem gotshaws an der gewerschaft von uns abget des sew mit recht schaden naemen, den selben schaden sullen wir in gantz und gar ablegen und widercheren, und sullen sew daz haben datz uns vorgenanden datz unsern trewn und auch auf aller unsrer hab wo wir di haben in des hertzogen lant von Oster¬ reich si sey besucht oder unbesucht, und sullen ires schadens davon bechomen so sew peste mugen wir sein lembtig oder tod. Daz in und dem gotshaws die red und der chauff also stet unverchert beleib. daruber so gib ich in vorgenander Jörig von Volchenstorf für mich und mein erben den offenn brief besigelt mit meinen anhangundem insigel. Und ze ainer pezzern stactichait der sachh besigelt und bevestt mit meines lieben pruder hern Ortolfs von Volchenstorff anhangundem insigel im an schaden, und sint des chaufs und der taiding gezeug Ernst der Otzstorffer zden zeiten richter ze Chrems¬
RkJQdWJsaXNoZXIy MjQ4MjI2