112 Ich Hainreich der Prchaven gesezzen ze Steir, ich Kathrei sein hawsvraw und mit uns all unser erben verjehen mit dem brif, daz wir ze chauffen haben geben dem erbern mann Petrein dem Herisinger purger ze Ens und alle sein erben unser pfunt gelcz daz Hainreichen dem Chien purger ze Wessendorff in der Wachaw. und auff ainem weingarten den er uns darzu gesatzt hat ze recht ewentewer, daz haben wir in geben umb zehenthalb pfunt wienner pfennig der wir von in gancz und gar gericht und gewert sein, daz haben wir in geben in all dem rechten und nuczen alz ez mein mûter sacligew vrai Agnes der Got genad und ich und unser erben inn gehabt haben und auch als der brif sagt den wir daruber haben gehabt. Wir schullen und wellen auch des obgenanten pfunt gelez ir scherm und ir gewer sein an aller der stat und in sein not und durtit geschicht, nach dez landes recht in der Wachaw. Wer aber daz getan, daż wir daran indert sawmmich wern swie getanen schaden sew dann dez nement, den er oder sein erben ir ainer pey sein trewen an ayden wol gesprechen mag, den schullen wir in genczlich wider¬ chern und allen ablegen. Und dez ze cinem sichtigen waren urchund gib ich obgenanter Hainreich der Prehaven und mein erben in den offen brif versigelten mit mein anhangunden insigel wol¬ bestettigt, und dez ze einer pessern sicherhait und gezeugnuzz mit dez erbern herren hern Nyclasen dez Schekchen ze der zeit purgraf ze Steyr anhangunden insigel. Geben da man zalt von Christi geburd drewczehenhundert jar und darnach in dem czwai und sechcziksten jar an sant Nyclas tag. Orig., Perg., im niederösterreichischen Landes- und Ständearchiv mit Nr. 626. Zwei Siegel. ein Hefen. .... ainrich preuhaf ... ..... . . . . Schekch.
RkJQdWJsaXNoZXIy MjQ4MjI2