101 XCIX. 1362. 27. October. Wien. — Herzog Rudolf bestätigt Reichersberg die Mauth¬ Freiheit seines Grossvaters Albrecht I. Nos Rùdolffus quartus Dei gracia archidux Austrie Styrie et Karinthie dominus Carniole Marchie ac Portusnaonis comes in Habspurch Ferretis et in Kyburch, marchio Purgavie nec non lantgravius Alsacie omnibus in perpetuum. Constitutus in pressencia nostra venerabilis et religiosus vir Dyetmarus prepositus ecclesie Reicherspergensis ordinis canonicorum regularium sancti Augustini Pataviensis dioecesis devotus noster dilectus pro se et ecclesia sua eadem nobis humiliter supplicavit, quatenus privilegium quoddam innovacionis per dive recordacionis dominum Albertum quondam regem Romanorum avum et dominum nostrum carissimum eo tempore cum adhue in ducatu existebat pie concessum, eciam nos ipsis inno¬ vare approbare et ratificare de speciali gracia dignaremur, cujus quidem privilegii tenor talis est: Albertus Dei gratia dux Austrie et Styrie etc. (wie am 17. März 1287, Bd. IV, pag. 56). Nos igitur ejusdem prepositi et canonicorum suorum ut suis Deo precibus assidue nos conmendent hujusmodi tam justis quam devotis supplicacionibus favorabiliter inclinati predictum privilegium prout est superius anno¬ tatum et universos et singulos articulos in eo contentos de benignitate solita innovamus. Testes hujus rei sunt venerabiles in Christo Johannes Medlicensis Clemens Scotorum Wienne monasteriorum ordinis saucti Benedicti abbates capellani nostri dilecti, Leutoldus de Stadekk marschaleus provincialis Austrie Hainrieus de Walssce de Drosendorff'et Fridericus patruus ejusdem Wolfgangus de Winden Hainrieus de Ratpuch magister curie Johannes de Lozperg magister camere. Withalmus pincerna de Liebenberg dispensator curie nostre et quam plures alii lide digni. In evidenciam quoque et certitudinem premissorum presentes damus litteras majoris nostri sigilli appensione munitas. Datum Wienne vicesima septima die octobris anno domini millesimo trecentesimo sexagesimo secundo etatis nostre vicesimo tercio regiminis vero quinto annis.
RkJQdWJsaXNoZXIy MjQ4MjI2