100 XCVIII. 1362. 29. September. — Die Brüder Hartneid und Niclas die Pochinger und Heinrich der Voustorfer verkaufen an Leb Heinrich ihr Gut zu Wichendorf das Lehen von Hartneid dem Kactringer. Ich Hertneyd und ich Niclas ped prüder Pochings sün, dem Got genad und ich Hainreich der Vanstorffer und mit sampt uns alle unser erben wie die genant sind wir verjehen, daz wir recht und redleich zu chauffen haben geben unser gût ze Wichendorf daz lehen ist von Hertneyden dem Kátringer dem Leb Hainreichen ze Wichen¬ dorf'und allen seinen erben umb aindlef phunt wynner phenning der sew uns gancz und gar gericht und gewert habent, also beschaiden¬ leich, daz wir noch alle unser erben nach demselben gût mer dhain ansprach sullen haben weder wenig noch vil. Wir sullen auch dez¬ selben güts ihr gewer sein für allen ansprach nach lant recht ob der Enns. Namen sew aber darüber indert dhainen schaden von der gewerschaft wegen mit recht wie derselb schad' genant wurde den sew pei iren trewen an ayde gesprechen mugen, denselben schaden mit sampt dem hawbtgut sullen wir in gancz und gar ablegen und widercheren, und daż sullen sew haben dacz uns und unsern trewn und darzi auf aller unser hab und wir haben. Dacz die rede fürbas state und unverchert beleibe darüber geben wir ich Herlucyd und ich Niclas paide prüder und ich Hainreich Faustorffer Leb Hainreichen und seinen erben den prief für uns und all unser erben zu cinem waren urchund der warhait, versigilten mit unsers frewnts Hainreichs des Fanstorff'anhangunden insigel, wand wir ich Hertneyd und ich Niclas ped prüder aygens insigel nicht enhaben, und darumb verpinden wir uns mit sampt im under seinem insigel alles daz an dem prief geschriben stet state ze haben mit unsern trewen an alles gevar, und durch pezzer gezewgnuzze willen mit Hartncydes dez Hawczenpechen anhangenden insigel. Der prief ist geben nach Christi gepürde über drewczchenhundert jar darnach in dem zwai und sechczigisten jar an sand Michelstag. Auf Pergament, das Original im niederösterreichischen Landes- und StändeArchiv mit Nr. 623. — Zwei Siegel hängen. S. hainrici V...... orfer. S. herin...... la.. zenpek... Fränkischer Hut mit Straussenfedern. Kübelhelm mit aufgesteckten Büffel¬ hörnern.
RkJQdWJsaXNoZXIy MjQ4MjI2