allen den, di in sehent oder horent lesen, lembtigen vnd chvnftigen, daz wier mit wolbedachtem vnd veraintem mvet vnd mit aller vnser erben guetem willen vnd gvnst vnd auch ze der zeit, do wir iz wol getven machten, recht vnd redleich geben haben dem erbern herren Brobst Hainreichen vnd Chvnraien Techent .vnd der sampnvng datz sand Florian» hau» ffnfzehen phvnt phenning gelts wiennaer mvnezz, di man alle iar jserleich ewichleich raihen schol dem pharrer ze sand Michel, der von der herren wegen von sand Florian do ist, also mit auzgenomener red, daz sev von der selben pharr, deu si selber inne habent, vnser Vrawen Gotshaus ze Wachato datz der weizxn Chirchen besingen schullen haizzen aller Tag taegleich an alle savmvng ewichleich mit ainer frve messe vnd di gesprochen schol werden, als der tag an mercht, daz dann der priester ob dem altter scbol sein vnd di messe an heben scholl vnd voleiitten vnd nach dem ewangeli schol sich der priester gen dem volch ehern vnd schol pitten vmb reich vnd vmb arm vnd vmb der edeln herren sei hem Jansen vnd kern Leutolts von Chvnring vnd vmb di her schaft des tals vnd auch vmb alle, di der frve messe Stifter vnd fvedrer gewesen sind, vnd vmb alle gelaubig sei vnd iz schol auch di messe, di man ze Wachaw von alter gewonhait gehabt hat, vnd metten vnd vesper, als di purger ze Wachaw auch dar vmb der egenanten herren von sand Florian prief haben, alle tag taegleich gesvngen oder gesprochen werden auf den tag zu sampt der frue messe vnd also, daz der messe da selben alle tag (aegleich zwo schullen sein ewichleich an alle irrvng, Nuer an dem aiitlaz tag vnd an dem char vreitag nicht, so schol daz volch gemainchleich pei der pharr sein vnd iz schol auch der priester, der di frue messe spricht, alle nacht ze Wachaw in dem dorf Ilgen. Vnd vmb den egenanten gotsdienst der frue messe haben wir geben ledichleichen di obgeschriben fvnfzeben phvnt gelts vnd di alle ligent auf ledigen aygen in dem Tal vnd di man alle iar jserleich dienn schol, swer pharrer ist ze sand Michel, ze den zwaiii tsegen, an sand Cholmans tag vnd an sand Merten tag an alle i^'vng; zu dem ersten so ligent di egenanten ffnfzehen phvnt gelts, vier phvnt phenning auf einem Weingarten gelegen an der Aechleiten, der man dient zwai phvnt an sand Cholmans tag vnd zwai phvnt an sand Merten tag vnd den selben Weingarten hat ze den Zeiten inne Rueger der Vnpilleieh vnd da man von geit ze purchrecht drey phenning in vogts purch6*
RkJQdWJsaXNoZXIy MjQ4MjI2