44 baiden Puxen nemen, und bezallen, biß solanng, das Er sich mit ainem Hanndtwerch vertregt. 25. ltem wellicher gesell seinem Maister groß und khlain clinngen, wie der Maister Im furgibt nicht machen wolt, das der Maister In schaden khäm, das soll der Maister an die Viermaister brinngen, der soll nach Erkhenntnus gestrafft werden, doch der Gerichts Obrigkhait, Albey vnuergriffen. 26. Item. Ainem Stumpler soll man zu Lonn geben von ainem hundert Schröt funf Phening, und der Stumpler soll gefuerdert werden nach der Abb. roo. Besteck, Messer und Gabel, Elfenbeinschalen mit Sil– bereinlagen, Silberhauben, nach 1700. Länge 24 und 20·5 Zentim. Viermaister Rath und nach notturfften. Und ob zwen Maister wären, die nicht gesellen hietten, so soll der Stumpler ainen Tag arbaitten, dem ain Maister, und den anndern tag dem anndern Maister, auch dergleichen, so soll es mit Eß– maistern auch gehalten werden, und wann ain ge– sell khumbt, der soll für den Stumpler gefuerdert werden. 27. ltem. Ob das Hanndtwerch Pesser oder Nutzlosser wurde dardurch den Maistern oder ge– sellen des Lonns halben verännderung minderung oder merung not thuen wurde, das sollen Sy ain– helliglich an Richter und Rat hiebrinngen, und mit des willen und wissen solliche verännderung ma– chen, und albey gericht Obrigkhait vorbehalten. Auch ob sich begab, das die Maister des berurten Hanndtwerchs oder Ire Nachkhomen, Icht aussaz furnemen , das wider unsern allergenedigisten Herrn, Römische Khunigliche Maiestat und Lanndtffürsten, Wider uns oder wider ain gemain hie wär, das wis– sennlich wurde, so soll In die vorgenannt Ordnung abgesagt und der gegenwurttig brief crafftloß ab und Todt sein, und uns und unsere Nachkhomen, wider– umb geanntwort und Sy gestrafft werden, als man des stat an In finndet, alles treulich und vngeuer– lich. Mit verkhundt des briefs besiglt, mit unserm der Stat Secret Anhanngunde, Geben am Montag sanndt Tiburrien, des heilligen Martrer, Nach Cristi gepurt. Vierzehenhundert, und Im achtundachzigi– sten Jar. 28. Dieweil wir dann nicht allain das, so zu bemelts Hanndtwerchs frumben und aufnemen Raichen solle, Sonndern auch was ainer gannzen Statmenig zu derselben wolfart diennstlich ist, zu– befurdern gannz genaigt sein, demnach haben wir Ir Anprinngen und gepethe angesehen und darauf
RkJQdWJsaXNoZXIy MjQ4MjI2