Wolfgang Pöttinger Hausrucklandl Ih hau(n) dih so gern, Hausrucklandl, deine Fe(l)da, - g'mahte Wies'n - und Mandl und Wä(l)da und Bacherl, - Lei(t)n mit Stauna - ja schau na - scheene Schacherl! Und örta und Dörfa so sauba und schee, - ois kinnat's d' vor Freud und vor Lust fast vageh'l Ob Summa, - Frühaling, - Winta, - bist gaunz aundas, - oas is gleih, sogns de Gitn, - sogns de Kinda; ,,Bist — schee — ollewei!" Und wei(l) ih dih mag, so kaun ih 's net grodn, - daß ih sing euch - und sag: ,,Laßt's eich ei'lod'n, - laßt's uns laut lo(b)m, - den Oan da dro(b)m, - als Dank fürs schee Landl, - schao zwegn dem miaß' man lo(b)m!! 's Grieskirchna Liad Du Trattnastodt Grieskircha bist wia a scheene Braut, du brauchst dih net vakriacha, schao vü(l) haum seh vaschaut! Du Hauptstodt vo dem Landl, was ,,Hausruckviertl" hoaßt, - bist hiazt im scheenst'n Gwandl, und neamd sagt: ,,Der da spoaßt"! Wei(l) - wer dih oamoi(l) gern hat, - der hat dih ollwei(l) gern, du bist ja unsa Hoamatstodt, a goi(l)dig guata Stern! Und deine Hügln griaßn gaunz grea und volla Blü(h)a liegst ehana siaß zua Füaßn schee schlank und liable schier! De Trattna schlingt seh durchi, durchs gaunze launge Tal, - a zweit's a scheenas suach ih, - do 's Suacha wird zua Qual! ,,A soichas kaust net find'n, obwoh(l)i 's vü(l) scheene gibt, - mir is als hätt's da Herrgott wia 's Gold vom Erdreich g'siebt!" Und golde san de Fe(l)da im Summa, wann ois reift, - ,,grea" d' Wiesn und de Wä(l)da, - a jeda hiazt begreift, daß ,,Ländle" oh Grieskircha dei G'sichtl is und bleibt, du brauchst dih net vakriacha, - koa ,,Schreiba" übatreibt, - der dih a bissal lob'm wü - des „Gmüatliche" an dir, - ih wa jo a schau längst stü, - do kaun ih nix dafür. - Dein Turm hab' ih vagess'n — zum Lo(b)m - und a de Kircha, - den Schwibbogn und den Karbrunn' du brauchst de net vakriacha! Und 's Bier, des was da machan, und 's Eis'nzeugs - oi(ll)sanda, de freundlegn Leut', de lachan, - du Stadt bist guat beinanda! Und muaß ih oamo(l)i wegga, - und kumm ih nimma z'ruck, - daun schrei ih: ,,Net vastecka - Grieskircha kumm, ,ho-ruck' - du kummst ja z'erscht im Himme, - sunst war er net komplett, - wos tat ih, waun ih Lümme, - vü(l) Freud' - an goldan Schimme - oba koa Hoamat hätt'!"
RkJQdWJsaXNoZXIy MjQ4MjI2