Frag Wan der Man im Zwilling ist wöllich Adern sindt verpotten Andtwortt So ist die Medÿanader verpotten auf dem Arbm dis Zaichen ist pes dis ist feicht vnd warm.Frag Wan der Man im Khreps ist wölliche Adtern sindt verpoten zu schlagn Andtwortt So sündt Adtern auf dem linckhen Armb vnd Handt verpotten die zue der Lungl gent dis Zaichen ist khalt vnd feicht Ist ain midtl Zaichen Frag Wan der Man im Lebm ist wölliche Adtern sindt verpotten Andtwortt Die Adern auft dem rechten Arbm vnd Handt dises Zaichen ist ist hais vnd druckhen ist ain pes Zaichen Frag Wan der Man in der Junckhfrau ist wölliche Adtern ist verpotten Andtwortt Das hat in das Ingewaitt dös Menschen man solt Artzneÿ pflögn dis Zaichen ist hais vnd druckhen vnd ist ain midl Zaichen zum Lasen Frag Wan der Man in der Wag ist wölliche Adtern sindt verpoten zu lasn Andtwortt Dis ist zum Lenten verpotten zue lasen das Zaichen ist warm vnd feicht vnd ist ain guet Zaichen zuem Lassen Frag Wan der Man im Scorpian ist wöllich Adter sindt verpoten zu lasen Andtwortt Dis Zaichen hatt die Scham inen das Zaichen ist khalt vnd feicht ist ain midtl Zaichen Frag Wan der Man im Schützen ist wöllich Adter sindt zue schlagn verpotten Andtwortt Das Zaichen hat in das Diech alle Adern sindt zue schlagn verpoten dö zum Diech gent das ist hais vnd druckhen ist ain guets Zaichen Frag Wan der Man im Stainpockh ist wölliche Adern ze schlagn ist verpotten Andttwortt. Das Zaichen hatt inen das Khnieschoiben wöllich Adern zue Khnie gent sindt verpotten dis ist khalt vnd druckhen dist ain pes Zaichen zu lasen Frag Wan der Man im Waserman ist wölliche Adtern sindt verpoten zu schagen Andtwortt Die Wadladern an paitten Fiesen sindt verpotten dis ist warm vnd feicht ist ain guets Zaichen zum Lasen Frag Wan der Man im Füsch ist wöllich Adern sint zu lasn verpotten Andtwortt Ist Halt in das Schinpain vnd Fües sol man vnden auf dem Fues nit lassen dis ist khalt vnd feicht Zaichen ist ain midtlmäsig Zaichen zu lasn Von End der 12 Zaichen dös Lasen Hernach
RkJQdWJsaXNoZXIy MjQ4MjI2