wan man von Handtwerchs oder was thöt schaften vnd er darwitter grob unret oder vngepürlich einrottet derselbe vmb sein Vn= gehorsam gestraft wert nach Erkhandtnus dos Handtwerch Zum Zöetten do ain Khnecht oder Junger pintten get vnd vnder dem es seÿ vorm oder nach dem Pinttengen oder nach Ver= richung dosselbigen mit dem Pintzeug in ain Wirtshaus sitzt oder gett vnd darinen bedrötten oder anzaigt wirtt vnd wöllicher nit zuevor den Pintzeug haimbt drögt vnd dem Maister oder den seinen wohün er gett solliches an- zaigt der ist umb 2 ℔ wax gestraft Zum Aindleften do ain Khnecht mit den Jungern oder dem Schöpfer umb Gelt spült es seÿ vmb vül oder wenig so sol der Khnecht oder Junger ain jeder umb 1 ℔ Wax gestrafft sein Lötzlich vnd zum Zwölfften sol ain jeder Khnecht peÿ ainem jedem Maister an ainem Pattag wan zwo oder 3 Parschan im Patt sein der Erst abzogn sein Item wirt darnöben den Knechten anzaigt in Sondterhait dan ainem jedem er seÿ Khnecht oder Junger mit Ernst vnd peÿ der Straff auferlögt das sÿ das Ligen auf den Penckhen vnd allerlaÿ Faulentzn im Pat wan ödtlich Parschanen wie oben vermelt im Pat sein vonwögen der Leitt schimpflich= en Nachrött fleisig vermeitten wöllicher aber solliches ÿberdritt ist vmb 2 ℔ Wax gestrafft SSonuolgt hernach die Fragstuckh aines doten Lasers Erstlichen lassen durch die 12 Zaichen Frag Wan der Man im Witter ist wöllich Adern verpoten sindt Antwort Die Haubtader in der Infeckh zue an ist erlaubt in der ehaften Not das Zaichen ist hais vnd druckhen Frag Wan der Man im Stür ist wölliche adern sindt verpotten Andtwortt Im Hals sindt alle Adern verpotten das Zaichen ist khalt vnd druckhen dist ist ain pes Zaichen Frag wen
RkJQdWJsaXNoZXIy MjQ4MjI2