Zue dem andtern wandt sich zuedrirg wie oben vermelt das ainer dem Maister one Wisen vnd Willen ÿber Nacht aussen plib vnd das solliches vom andtern Gesindtlein vndter den Khnechten vnd Junger dem Maister nit anzaigt wurtt derselb oder ainjeder der es wais solt umb 1 ℔ Wax gestraft sein Gleichsfals sol der Maister do er solliches Ainwissen hüet vnd ers ainem ersamben Handtwerch wan man auflögt nit anzaiget umb 1 ℔ Wax gestraft wertten Zum Dritten wan ain Maister ainen Khnecht oder Junger an ainen Sanstag item ainem Heiligen Abet oder sonst hochen Vösten in ain Patstibl schicket oder er der Maister selbst oder vnder seinem Ge= sindt ainen umb 12 Vr oder 1 Vr nachmittags darinnen begrüften oder anzaigt wirt der sol umb 2 ℔ Wax gestraft sein wöllicher nun hierÿber vnder denen Khnechten vnd Junger die nöben den selben der diese bemelt Straften vbertrötten in Arbett sein desen Ainwisen hat vnd wan solliches wan man auflögt dem Handt= werch nit anzaigen thöt der ist anfenckhlich vnd zuem ersten Mal vmb 1 ℔ Wax gestraft do aber ain sollicher on diese Straft schüech nit khereten darauf verner vnd zum andtmal begrüften vnd angezaigt wurtt der ist umb 2 ℔ Wax verfallen vnd zum dritten Mal solt er nach Erkhandtnus aines ersamben Handt= werch gestrafft wertten Zum Vürtten wan ain Khnecht oder Junger one Laubnus Wissen oder Willens seines Maisters ausgieng vnd vndter dem im Handtwerch peim Hausödt was aufkhämb das er nit anhaimbt oder nit zue fündten wär der solt umb 8 Lot Wax gestraft sein Findt man in aber peÿ Wein im Wirtzhaus 1 ℔ Wax item do er nit alspalt mit dem geschickhten Potten gett der in fundten hat sol er umb 2 ℔ Wax gestraft sein Zum Fünften
RkJQdWJsaXNoZXIy MjQ4MjI2