wirckhlichen Geprauch aufrichten mit vnser gemainer Stat Fortÿgung bestatten und sich dapeÿ handthaben woltten wan wir vns dan sie die Patter und Palbierer als unsere Purger gleich wie die andre hüeige vns vndtergöbne gantze Purger= schafft und Gmain in gepirliche Sachen zue aller irer Wolfart vnd Aufnemben zue befüttern so wol schultig wisen als wirs genaigt seien wie auch solliches ir der Patter vnd Palbirer verglichen Ornung vnd Ardtikhl zue Abstöllung allerlaÿ Handtschödtlichkhait vndter inen vnd hergögen zue Anricht= ung aines ehrbirn Wösen gueten Man Zucht vnd Handtwerchs= gewanheit in Sondterhait vnd für nemblich aber das Ire Pandt vnd Pavienten in der Wundtartzneÿ umb so vül döst= mer versorgt wertten nutzlich vnd sonsten der Pilligkhait gemäs auch vns vnd gemainer Stat on Schadten vnd Fodrist aber der lantzfürstlichen Pollÿreÿ vnabprechig befundten so haben wir angerögte ir Begern nit verwaigern khindten noch soltten sondter von Statoberigkhaitt wögen so wie sich vnns hüerinen gepirt darrin verwilligt thain es auch hüemit wisenlich vnd in Khraft dises Prüeffs vnd laute dem nach die sölb ir der Maister dös Pater vnd Palbirer Handtwerchs völlig Ornungs hüenach also Anfengkhlichen von Erwöllung aines Zöch= maisters vnd Alttkhnecht auch der Maister so die Schlüsl zue der Handtwerchslat haben vnd den Zesambenkhun= ften. Erstlichen sollen sie die Maister dös Patter vnd Palbirer Handt= werch auf irer Hörberg so sÿ peÿ aiem Purgersman ahier In
RkJQdWJsaXNoZXIy MjQ4MjI2