Das Erst zue Aidterflüsen und wilden Fleisch dienlich Darzue nÿm ain ander Zal 20 Paumöll ain Pfundt Mastix ain Lott Weeirauh ain Lott Schwartzpöch ain Lot Silberglet ain Lott Glorÿet 2 Lot Die Air seut hörtt nÿm die Dotter heraus thues in das Pämböll vnd demperirs durch ainandter als dan seichs durch ain Duech nach malsens was ze Puluer ze machen ist das mach zue Puluer vnd dues alles in das Paumöl vnd lases ain guete Weil sietten seichs vnd due es in ain schene Pixen vnd behalts Das ander Sälbl in die Wundten eingelögtt macht Fleisch vnd befidtert sich zu matterÿrn Darzue nÿmb volgentÿ Stuckh alß Pämböl 8 Lot Därpandin 4 Lot Wax 4 Lot Honig Zwaÿ Lot Hürschens Marckh 1 Lot Gersten Mel 1 Lott Dise Stuckh sol man in ainem Pöckh zergen lasen aber nit sietten wan es erkhüelt so man zween rohe air Dottor darein geruert wertten püs es gestet als dan in ain Pixen dan Das dritte Sälbl ist ain Waitzlsälbl in die Wunden und Stück haillet vaste Darzue nÿm das Weis von Airn an der Zal fuerÿ Tarpandin 4 Lot Rosenöl 4 Lot Schweinenschmaltz auch 4 Lott die Stuck sol man in aiem Pöckh khalter wol zerdreiben mit ainen Kholben vnd wan es prauchen wil lög mans mit Fäsl ein in die Schadten Das vüertt Sälbl macht Fleisch in allen Wundten mitt Fäsl eingelögt Darzue nÿm Henig 3 Lot Hartz 2 Lot Colofanÿum 2 Lot Tarpandin 2 Lot Rosenöl 4 Lot Mastix ain Lot Olÿwanum 1 Lot Machs zue ainer Salbin las gemach sietten lögs mit Fäsl ein Volgent die vier Haubtöll vnd ire Dugen vnd Wirckhung Rosnöl ist khüel vnd druckhen Veilöll ist khüel vnd feicht Camiln öl ist warm vnd druckhen Sandtigehansöll ist warmb vnd mitlmäsig druckhen Vnd do nun ainer sölliches Examen ÿberstandten auch gemelte Stuckh gemacht sol er dem Medÿco für sein Bemieung aine Daller Aber
RkJQdWJsaXNoZXIy MjQ4MjI2