57 Wan ainer in das Gemächt gehauen wärt vnd das Wasser heraus güeng wie solt ime geholffen wertten Andtwodt Ich wolt ain silbers Instarment in den Korer dain vnd den Wundt= palsam in den Schatten dain vnd in hailn wie andere Wundten Frag 58 Was duet das Glittwasser Andtwordt Es erwöckht vnd macht grosen Schmertzen Frag 59 Wie sol man ain Schluer haillen so er ausfölt aus dem Fleisch Andtwordt Ich wolt in mit dem Appostollÿkhumb rainigen mit Fäsl in den Schatten gelögt und wan er rain ist wie ain andtern Schatten haillen Hie volgett die vüer Pflasster Matier Sälbl vnd die Aigenschaffen der ge= phreichlichen vür Öll 1591 Jar Zu dem Ersten das Oxicroceum Darzue nÿm Waxpöch grüeiches Pöch jedes acht Lot Tarppandin Galb= anumb Armanÿacumb Mirn Weirauch auch Mastix jedes zwaÿ Lot vnd Safteran acht Lot Mach das Pflaster also den Galbanum vnd Armanÿacum zerstes ain wenig lög sÿ in Össig ÿber Nacht so umb der Ösig darÿber ge dös Morgens due sie in ein Pöckh vnd hab es ÿber ain Feuer pis sÿ zergeutt vnd wan es zergangen ist darnach geus es in am ain andters Pöckh seuts püs der Essig eingesodten hat volgentz due darzue das Pöchwax vnd das khruechisch Pöch vnd wan es alles erwallen ist so due hinzue den Mastix Weirauch vnd den Mirn ruers wol vmb als dan due die Madörÿ auf ain Stain vnd pör den Safteran darein den Stain bestreich zuevor mit Äschschmalz mach Zapfen dises Pflaster dient zue allen vorrukhten Gelitter vnd Painprichten Zu dem Andtern ain Stichpflaster Darzue nÿm Wax acht Lott Agstain ain Lot Colofanÿum dreÿ Lott Meunÿa dreÿ Lot rotten Mürn zwaÿ Lot weisen Weirach zwaÿ Lott Mastix
RkJQdWJsaXNoZXIy MjQ4MjI2