50 Wölliche sindt an Schmertzen ze haillen Andtwordt Die in den Kruspeln sintt Frag 51 Womit mag man ainen grosen Schmertzen lögen Andtwordt mit Magn Sam Khnechl vnd Papeln wol puluerirt in Gaismillich gekhocht vnd warmben ÿber den Schadten gelögt Frag 52 Wan ain Pain füsteliret wie sol man ime zue Hülft khumben Andtwordt Het es ÿberig oder lödtig Pain soll man die Selbigen mit Instar= mendt heraus dain vnd das plos Pain mit Därpandin haillen da= mit Fleisch darÿber wix oder mit Maturir Sälbl haillen Frag 53 Was ist Vnderschüt zwischen ainer Füstl vnd ain Geschwer Andtwordt Die Füstl ist oben eng vnd vndter der Hautt weit holl ain Geschwer ist nit also Frag 54 Womit mag man die hörtten Geschwer oder Apposten waickhen Andtwordt Man mag nemben Eibisch Wurtzen Weisgülgn Wurtzen Frumb= grerum Leinsamben alts Schmer vnd Khanmilnöl vnd was ze pulwer ern ist das puluerirt man vnd macht aus disen Stucken ain Salben die lögt man auff das hortte Aposten odter Geschwer Frag 55 Wan um ain Geschwer waich ist wie mag man es on Eisn auff dain Andtwordt Man mag in der Mitten ainnes auftgelögten Pflasters ain Loch machen so weit man das Geschwer wil offen haben vnd auft das Loch Galwanumb lögen daruon wirt es often Frag 56 Wan ainer gestochen wärt vnd ime die Därmb heraus hüengen wie sol man ime helffen Andtwordt Ist die Wundten eng so wolt ich sÿ weitter schneitten vnd die Därmb hinein dain die Luckhen heftn vnd mit Stichpflaster haillen vnd mit warmben Pauschen verpindten Frag Wan
RkJQdWJsaXNoZXIy MjQ4MjI2