Andtwordt Man solt pett Daumb mit Diechlen umbwindten und ime wol in Mundt greiffen vnd einrichten wie recht ist vnd danen mit ainer Alten erschmirben Frag 45 In wie vül ist der Khinpackhen oder die Kheu aussein und wüe khan mans underschaitten und erkhenen Andtwordt In zwaÿerlaÿ Wögen ist er hindter sich aus so mag er den Mundt nit auf dain ist er fürwertz aus so mag er den Mundt nit zue dain Frag 46 Wan ainem ain Huft aus ist wie sol man ims witter einrichten Andtwordt Man sol dem Parientten ain Leillich zwÿschen denen Pain dain vnd oberhalb dös Khopfs zosamen pendten vnd an ain Schrauffen oder Khlampfen machen oder anhencken zwaÿ Handtiecher an Schenckhl lögen vnd lasen wol an zwischen ist die Huft hündter sich aus sol man den Parÿentten auf den Pauch lögen ist sÿ für sich aus so man in an Ruckhen lögen vnd die Huft einrichten vnd haillen wie recht ist Frag 47 Von wanen khumbt der Khropf Andtwordt Er khumb oft von vnnadtirlichen Remedÿ do man zue ainem Schaden vnerfarne Artzneÿ praucht die den Wundten vnd allen Schadten ze wüdter saindt Frag 48 Khan man auch den Khropfen detten Antwordt Ja wan es im Anfang beschicht dan do mag man dise Midtl prauchen als ötzen auch mit Instarmendt prenen vnd als dan in haillen mit Operiment vnd rotten Mürn in Wein gesodten vnd den Schaden damit gewaschen vnd mit Faseln verpundten. Frag 49 Wo endtspringen die Füstlen Andtwordt Edlich im Fleisch edlich in Pain vnd Khrusplen Frag wölich
RkJQdWJsaXNoZXIy MjQ4MjI2