khan ime geholffen wertten Andtwordt Ich wolt ime ain gerechs Därpandt ÿberlögen aber ehe ich solliches döt wolte ich die Pain recht auffainandter richten vnd die Stat mit Altÿeea wol schmirben mecht ich die Ripen mit Recht aufainandter richten wolte ich die Stat ohreitzweis auffschneitten vnd mit Instar- mendten recht richten vnd haillen wie recht ist. Frag 40 Wan ainder in ain Khnie gehauen wurt vnd ime die Scheiben her= aus hueng wie sol man ime helffen Andtwordt Man solte ime die Scheiben witterumb hinein dain do sÿ nit gar lödtig wär vnd die Pluetstöllung darÿber lögen ich wolt ime ain Wundtranckh eingöben für das Glittwaser vnd die Wundten mit Remedÿen wolbeschürmben damit khain Vngelelikh darzueschlieg wolt sÿ hailn wie recht ist. Frag 41 Wan ainer von ainem Hundt gepisen wurte wie mecht man er khenen ob der Hundt windtig seÿ oder nit vnd wie sol man dem Gewisen helften Andtwordt Ich wolte ain Schnitten Prot auff den Schadten lögen das es von dem Schadten pluetig wiert als dan sol mans ainem andtern Hundt vir werffen ist es der Hundt das Prot so ist der andter Hundt nit wintig den wintigen Hundts Pis wolt ich mit Storpüanöll oder mit Wöger= ichsaft haillen. Frag Wie sol man dem helften der sich mit haisem Waser hat verprenntt Andtwordt Man mag nemben Rosenöll Leinöl das weis von Airn vnd ain Diechl dar= inen genötzt vnd ÿber den Prandt lögen vnd darmit haillen Frag 43 Wan ainem die Kheu endtzwaÿ wär wie solte ime geholffen wertten Andtwordt Man solte ime den Packhen recht auffainandter richten mit Rosenöll salben vnd das Dörpant aufflögen vnd volgents hailn wie recht ist Frag Wan ainer die Kheu hat ausgefaln wie solte Ime geholffen wertten Andtwortt
RkJQdWJsaXNoZXIy MjQ4MjI2