32 Wieuil begöben sÿch im Aftern Andtwordt Manicherlaÿ alß Feigplattern Feigwärtzn Füstln wan ainem der Leib darin ausgett vnd wan ainnen ain Wolft peist Frag 33 Von wanen khumben die Feigwartzen Andtwordt Von von pesem mellantgollichem Gepliett sÿ khumben auch zue Zeitten von peser Feichtigkhait der gultten Adter Frag 34 Wie sol man die Feigplattern hailn Andtwordt Ich wolt nemben Pleibweis Weisen Pollus Gaffer Rosnwaser Litkhargurÿumb vnd ain Salben daraus machen mit dem Salblen wolt ich die Feilplattern haillen Frag 35 Wan ainem der Leibdarmb ausgett wüe sol man ime zue Hilff khumb= en Andtwordt Man solt ain wulles Duech in Gaismilich nötzen vnd ÿberlegen vnd zuevor mit Sandtighansöll schmirben vnd erwaickhen darnach witterumb in Leib dain Frag 36 Wan ainem Man sein haimblich Gelitt verschwollen wär womit sol man ime helften Andtwordt Ich wolt nemben Gaismilich Rosnöl Samdtighansöl vnd die Stuck mitainandter vermischt vnd warmber ain Duech darinen nötzen vnd ime vmbschlagenFrag 37 Wan in ainer Wundten pes Fleisch ist wie solt man die Wundten rainigen Andtwordt Mit ainem Vmbgeut oder Sälbl das haist Egüpsÿackhumb Item mit dem Selbl Apostolÿcumb Item mit Margurum Prerÿpÿtat Item mit prentten AllaunFrag 38 Wan ainem ain Pain im Hals stöckhet womit sol man im helffen Andtwordt Man solt ime das Pain mit ainem Instarment gewinen vnd ime mit Gurglwaser witterumb haillen vnd gurglen Frag 39 Wan ainer ain Rüp im Leib endtzwaÿ hüet gefaln wie vnd womit khan ime
RkJQdWJsaXNoZXIy MjQ4MjI2