Andtwordt Ic nemb Polus armenns Weismel dös Semblmel nach Schadten Waser auß geprendt von gruenen wälschen Schaln von Nusn vnd mach dises Stuckh zue ainem Müesl vnd schlag es labellet ÿber den Prant damit ze löschen Frag 27 Wie möcht und khundt man noch ain andter und schlechterÿ Löschung zue beraitten Andtwordt Wan man ain Rollpintten in ausgeprentten Waser von rotten Khornplaimben dös Tags darnin dreÿ Mal genötzte vnd ÿberge= schlagn das zeucht die Hütz heraus Frag 28 Wie sol man den khaltn Prandt erkhennen Andtwordt Er last sich mit ainer vnnadirlichen Hütz seihen die Haut behölt ge= mainickhlich ir nadirliche weise Farb allain gewindt sÿ an ödlichen Ortten gelbe plabe vnd schwartze Flöckhen die fast prenen in Soma ergübt grose Hütz und khumb doch alles von Khölte Frag 29 Wie mecht man dem khalten Prandt zue Hülff khumben das man in curigiret vnd haillet khundt Andtwordt Ich wolt nemben Panenmell Wickhenmel vnd ain wenig Ösig vnd wolts warmber ÿberlögen Frag 30 Wan ainer geschosen wiert wie sol man ime das Puluer vnd den Prant löschen Andtwordt Man solt sechen ob es ain tödtlichen Schadten seÿ vnd ob dötliche Zaichen verhandten sein oder nit oder wie die Glitter versertt sindt nachmallens den Schus suchen vnd seibern mit Leinöl vndt Hanft öll wolt ich in den Schus sprützen vnd ain Waitzl oder Fäsl in der Puluer Löschung nötzen vnd in den Schuss lögen dis so lang dain pis der Prant gelöscht seÿ volgentz mit der Prandtsalben haillen Frag 31 Was sol man vür ain Prantsalben prauchen Andtwordt Ich wolt nemben Zieglmel Khalch der zue vor dreÿ Mal abgelöscht seÿ wortten Wax vnd Leinöll vnd ain Salben machen Frag Wieuil
RkJQdWJsaXNoZXIy MjQ4MjI2