Ich nämb Pollus armenÿ Trackhenpluet Gumÿ arabÿcumb Ziteran= öpflschöllen Rot Rosen was diser Stuckh zue Pulwern ze machen ist wolte ich puluerisirn vnd nachmal in Wein lasen alles seitten vnd khochen und warmber ÿberschlagen Frag 21 Was ist Vnderschait zwÿschen Atzung und Rainigung Andtwordt Die Raingung beschicht mit ringer und leichtern Erzneÿen die vnsauber n Wundten ze rainigen die Atzung aber wiert mit starcker und scharfter Erzneÿ verricht darauff merer Schmerzen erfolgten wiertet aber in ser vnrainen Wundten oder Schäidten gepraucht damit dar= durch der Schadten wol gerainiget werte dan wan der selbig rain wiert so gübet er zue Haillung Frag 22 Was ist Vnderschaitt zwischen ainem guetem und pessen Aitter vnd wie sol ich ain guets und pes Aÿter underschaitten Andtwordt Erscheindt dickhs nädtliches Aitter so ist es guet erscheint es aber pluet vnd dines oder waserigs Aitter so ist es nit guet und khain gewisen Haillung ze hoffen Frag 23 Wie sol man ain Pöstelentz hailn wan es offen ist Andwordt Wan es offen ist vnd ser fleust sol man Thärpandin Airdotter Gersten Mel vnd Henig in ain Pfanndtl dain vnd wol zerkhlockhen vnd durch ainandter demperien vnd pflasterweis ÿberlögen Frag 24 Wie sol man ainen Schwer beschürmben das er nit vmb sich früst in die Weit Andtwordt Ich wolt in oft mit warmben Rosnöll salben Frag 25 Wie mag man den haisen Prandt erkhenen Andtwordt Er erscheindt mit grosser Hütz vnd Plag dermasen das er rote Straimb be= khumbt so diser Geprechen aufprücht so get gelbs Waser heraus vnd prent fast ser früst vmb sich herumb gehet auch in die Dieffe in das Fleisch zefrösen Frag 26 Wie sol man disenn Prantt lögen vnd löschen Andtwortt
RkJQdWJsaXNoZXIy MjQ4MjI2