Wir N Burgermaister Richter vnd Rätte der Statt Steir bekenen fur vns vnd vnsser Nachkumben vnd thain khundt menikglich hiemit dissem ofnen Prüef wo der zue vernemben vürkhumbt das vor vnserin gewen= lichen Ratsversamblung erschünen sein die Erbernn vnsern Burger Lienhart Scheichl Hanns Heindtl Vlrich Rumpl alle dreÿ Patter und Siegmund Mareer Palbirer vnd haben vns in gehorsamb zue erkhenen göben wie sÿ vnder inen inmasen es wol in andtern peÿder gleichen Stöten seÿe pishero ainich gewisn Hanndtwerchsornung hetten vnd sich die Leift von Tag zue Tag je lenger je beschwärlicher er= rügten auf dem inen in irem Handtwerch nicht wenig Vn- gelögenhaitten vnd Beschwärung entstüenten daher vnd zue Abstölung das selbigen auch Verhuetung ires Hanndtwerchs vnd Werchstötten nachdailligen Vnradts wolte ain hohe Nodtdurft erfottern ain Ornung wie es allenthalben in irem Hanndt- werch gehalten solt wertten aufgerichten doswögen sie sich auch vnder ainandter alle hüeige auf Maister Khnechten vnd Junger gehörige Ardikhl vnd fürnemblich auf was Punkhten ain jeder Maister so alhir einzekhomben begert ime der Chirurgia oder Wundtarztneÿ durch vnd durch gefragt wertten was auch zue Dar- thueung vnd Beweis seiner Khunst vnd Wisenschaft oder Geschickhlich- khait andtwortten Bschait göben, vnd füer Stuckh machen solt so- mit einträchtiger Beratschlagung vergleichen die sÿ vns in Schrüften fürgepracht vnd dapeÿ gehorsamblich gepotten das wir als hüeiger Stat fürgesötzte Obrigkhaitten auch hierin verwil- ligen sondtern auch dieselbigen irn Vergleichen notwendige Handtwerchs Artiekhl zesamen in ain völlige Ornung zue irem wiklichen
RkJQdWJsaXNoZXIy MjQ4MjI2