wolstu mit ainem sollichen Schadten vmbgenn vnd handtlen Andwortt Ich wolt schechen ob lötig Pain im Schadten weren die wolt ich suptlig heraus dain oder nemben vnd wolt ime das Pluet verstöllen mit der Pluetstöllung midt dem Airkhlar wolt ich ime verpindten wie recht ist mit ainem Wundtpalsam in den Schatten dain und und darÿber höften Frag 10 Wan ainer in das Gemäch gestochen wurtte wie sol man ime helffen Andtwordt Ich woltte das Gemächt aufschneitten vnd das gestockt Pluet her= aus lasen darnach wolte ich das Gemächt mit warmen Öl schmirben und den Wundtpalsamb darrin dain vnd lögen mit Fäsl vnd wolt in haillen wie recht ist Frag 11 Wan ainem die Nasn ÿber das Maul wär herab gehauen wie wolstu ime helffen Andtwordt Ich wolte ime die Nassen sauberlich hinauf höften den Wundtpalsamb in den Schadten lögen vnd wolte zwen Vötterkhüel mit Paumwol umbwickhl wolte ime in die Nasenlöcher stöckhen darmit die Nasn= locher nit verhailleten wertten vnd zuewixen wolt ime die Pluetstöllung darauflögen vnd hailn wie ain ander frische Wundten Frag 12 Wolliches sindt nur die fuer Wundtöl Andtwurdt Das Gülgnöl dan Camilnöl das Rosnöll vnd das Plawfeill= öl Frag 13 Wöllichen diser Öll sindt kalt oder warmb vnd was wirckhen sÿe Andtwurdt Das Plawfeilöl khüelt vnd senftigt die Schmerzen dösgleichen das Rossenöll das Gammilnöll aber wörmet das Gülgnöll waickhet alle hörttige Geschwer Frag 14 Wie bedarft dan ain Maister nit mer als füer Öll die hüe vermelt sint Andtwudt Ja er bedarft wol mer Öll als Därpandinöl Wachalteröll Lülnöll Paumöll
RkJQdWJsaXNoZXIy MjQ4MjI2